talkSPORT-ის მიერ გავრცელებული ინფორმაციის თანახმად, პსჟ-ს ხელმძღვანელებს მაურისიო პოჩეტინოს ნაცვლად, გუნდში ჟოზე მოურინიოს მიყვანა სურთ და საფრანგეთის ჩემპიონები ამ საკითხზე მუშაობას აპირებენ.

ამასთან დაკავშირებით პორტუგალიელს კომენტარი არ გაუკეთებია და მან მხოლოდ დედაქალაქურ გუნდზე ისაუბრა, რომელთან ერთადაც რამდენიმე დღის წინ კონფერენს ლიგის გამარჯვებული გახდა. შედეგად მოურინიოს აქტივში უკვე ჩემპიონთა ლიგის, ევროპა ლიგისა და კონფერენს ლიგის თასები შეგროვდა.

წაგება არ მიყვარს თუმცა თუ შევადარებთ სხვა კლუბებს, სადაც ოდესმე მიმუშავია, რომასთან ერთად უფრო ხშირად ვმარცხდები. ამის მიუხედავად, რომა მიყვარს, რადგან აქ ხალხს მეც ძალიან ვუყვარვარ და მათ მხარდაჭერას ყოველ წუთს ვგრძნობ.

მე არავის მოვუტყუებივარ და არც არავის მოუცია პირობა, რომ სატრანსფერო ბაზარზე ტოპ დონის მოთამაშეებს შევიძენდით და ვარსკვლავურ შემადგენლობას შევქმნიდით. აქ იმიტომ ვიმყოფები, რომ ეს ადგილი საოცრად მომწონს.

კონფერენს ლიგის მოგება შემთხვევითობა არ ყოფილა. ჩვენ რთული გზა გავიარეთ და საკმაოდ ძლიერ გუნდებს ვაჯობეთ. იმედი მაქვს, რომ მომავალში უფრო დიდ წარმატებასაც მივაღწევთ.

შეგახსენებთ, რომ რომა კონფერენს ლიგის პირველი გამარჯვებული გახდა. "მგლებმა" ევროტურნირზე წარმატებას პირველად მიაღწიეს.

მოურინიო: "აქ ხალხს ძალიან ვუყვარვარ"

მოურინი პსჟ-ს დაუკავშირეს

უახლესი ამბები