დღეს 12:00 საათზე რუსთავში საქართველოს და სომხეთის 18-წლამდელთა ნაკრებები ერთმანეთს მეორედ დაუპირისპირდნენ. ლაშა ფირცხალაიშვილის შეგირდებმა მეტოქეს დღესაც აჯობეს და 5:1 გაანადგურეს. საქართველომ დღევანდელ მატჩში თამაში შემდეგი შემადგენლობით დაიწყო: რევაზ კურტანიძე, არჩილ დათუაშვილი, საბა გოგლიჩიძე, ლუკა ლაცაბიძე, თემურ გოგნაძე, ნიკოლოზ ცხოვრებაშვილი, გიორგი ბართია, ლუკა წულუკიძე, ლუკა პარკაძე, დავით გოცირიძე, დიმიტრი ღურწკაია.

გატანილი გოლებით თავი გოგლიჩიძემ, გოგნაძემ და გოცირიძემ გამოიჩინეს. გოლები ასევე გაიტანეს ცვლილებაზე შემოსულმა მოთამაშეებმა - გიორგი ხაბულიანმა და ჯადული იობაშვილმა.

შეგახსენებთ, რომ ექვს ივნისს გამართულ მატჩში, საქართველოს 18-წლამდელთა ნაკრების წარმომადგენლებმა სომეხ თანატოლებს 3:2 მოუგეს.

ფოტო: ეროვნული ნაკრები

U18 | საქართველომ სომხეთი მეორე მატჩშიც დაამარცხა

საქართველო 5:1 სომხეთი

უახლესი ამბები