დღეს, 9 ივნისს, საქართველოს ნაკრები ჩრდილოეთ მაკედონიას დაუპირისპირდა. ერთა ლიგის მესამე ტურის მატჩი „ჯვაროსნებისთვის“ პრინციპული გახლდათ.

ვილი სანიოლის გუნდს ჯგუფში 6 ქულა ჰქონდა და პირველ ადგილზე იმყოფებოდა.

ფრანგმა სპეციალისტმა შემდეგი თერთმეტეულით ასპარეზობა გადაწყვიტა:

მამარდაშვილი, კაკაბაძე, ხოჭოლავა, კაშია, კვირკველია, აბურჯანია, კვარაცხელია, დავითაშვილი, კვეკვესკირი, ზივზივაძე, წიტაიშვილი.

როგორც მოსალოდნელი იყო შეხვედრა თავიდანვე დაძაბული გამოდგა. მასპინძლებმა ბურთზე კონტროლი მოიპოვეს და რიგ მომენტებში სახიფათო მომენტებსაც ქმნიდნენ.

„ჯვაროსნებმა“ პირველ ტაიმში რამდენიმე კარგი კონტრშეტევა განახორციელეს, მაგრამ ტაბლოზე არაფერი შეცვლილა და გუნდები გასახდელში უგოლო ფრით გავიდნენ.

52-ე წუთზე საქართველოს ნაკრები მორიგ კონტშეტევაზე გაიქცა. წიტაიშვილმა, რომელიც ფლანგიდან მოქმედებდა ბრწყინვალე გადაცემა გააკეთა, რომელიც ბუდუ ზივზივაძემ გოლად აქცია - 1:0.

მატჩის 62-ე წუთზე ხვიჩა კვარაცხელიამ, რომელიც საკმაოდ აქტიური იყო, ბრწყინვალე გოლი გაიტანა და სხვაობა ორამდე გაზარდა. საქართველოს ნაკრების ლიდერმა ბრწყინვალე შორეული დარტყმით დიმიტრიევსკის კარის ბადე შეარხია.

84-ე წუთზე საქართველოს ნაკრების უპირატესობა კიდევ უფრო გაიზარდა. შეცვლაზე შესულმა ოთარ კიტეიშვილმა მაკედონელთა კარი დალაშქრა და ტაბლოზე 3:0 დააფიქსირა.

შეგახსენებთ, საქართველოს ჯგუფში 9 ქულა უგროვდება და ერთპიროვნული ლიდერი ხდება.

საქართველოს ნაკრებმა ჩრდილოეთ მაკედონია დაამარცხა

საქართველოს ნაკრები ჩრდილოეთ მაკედონიას შეხვდა

უახლესი ამბები