ფინანსურმა პრობლემებმა ბორდო იმაზე მეტად დააქვეითა, ვიდრე ამას ლიგა 1-ის 2021/22 სეზონის მიმდინარეობისას წარმოიდგენდნენ.

საფრანგეთის ფეხბურთის პროფესიული ლიგის ცნობით, საფრანგეთის ფეხბურთის ფინანსურმა საზედამხედველო სამსახურმა (DNCG) კლუბის მფლობელ ჟერარ ლოპესთან შეხვედრის შემდეგ, ფრანგული კლუბი მესამე დივიზიონში გაამწესა.

მაკონტროლებელმა სამსახურმა კლუბის ფინანსური მდგომარეობა შეისწავლა. აღნიშნულია, რომ ბორდოს ბიუჯეტის დეფიციტი დაახლოებით 40 მილიონ ევროს შეადგენს.

ამჟამად შესაბამისი გადაწყვეტილების მიღების დეტალები არ ხმაურდება. ასევე ცნობილია, რომ ბორდოს 7 დღის განმავლობაში შეეძლება გადაწყვეტილების გასაჩივრება.

ჟირონდელებმა 31 ქულით ლიგა 1-ის 2021/22 სეზონი ბოლო - მე-20 ადგილზე დაასრულეს და მეორე დივიზიონში დაქვეითდნენ, ფინანსური სამსახურის გადაწყვეტილებით კი მეორიდან მესამეში.

ბორდო მესამე დივიზიონში გადაიყვანეს

ბორდო ერთბაშად ორი დივიზიონით დაქვეითდა

უახლესი ამბები