კატალონიის ბარსელონა ინიგო მარტინესის შეძენას მიმდინარე სატრანსფერო ფანჯრის პერიოდში აღარ ეცდება და იანვრამდე მოიცდის.

გამომდინარე იქიდან, რომ გამოცდილ მცველს ბილბაოს ატლეტიკთან მოქმედი კონტრაქტი 2023 წლის ზაფხულში ეწურება, იანვრიდან უფლება ექნება, რომ მისით დაინტერესებულ კლუბებთან მოლაპარაკებები აწარმოოს.

შედეგად, ბარსელონა 32 წლის ფეხბურთელთან კავშირს ზამთარში განაახლებს და როგორც, ესპანური მედია წერს თუ რაიმე გაუთვალისწინებელი არ მოხდა, ბასკი მცველი კატალონიელებს მიმდინარე სეზონის დასრულების შემდეგ, თავისუფალი აგენტის სტატუსით შეუერთდება.

შეგახსენებთ, რომ ბარსელონამ ბილბაოს ატლეტიკს ინიგოს ნაცვლად 15 მილიონი ევრო შესთავაზა, თუმცა ბასკური კლუბისგან უარი მიიღო.

ინიგო მარტინესი ბარსელონაში თავისუფალი აგენტის სტატუსით გადავა

ინიგო მარტინესი ბარსელონაში 2023 წელს გადავა

უახლესი ამბები