ჯენარო გატუზოს დარიგებული ვალენსია ლა ლიგის მეხუთე ტურში სტუმრად რაიო ვალეკანოს დაუპირისპირდა. რა თქმა უნდა, ახალგაზრდა ქართველმა მეკარემ თამაში ძირითად შემადგენლობაში დაიწყო და შეუცვლელად იასპარეზა.

მართალია გიორგის კარში მეტოქემ სწრაფი გოლის გატანა მეხუთე წუთზე შეძლო, თუმცა ამის შემდეგ "ღამურების" კარის დარჯამა, თავისი გუნდი გაშვებული გოლისგან ორჯერ იხსნა. ამის მიუხედავად, ტაბლოზე ანგარიში აღარ შეცვლილა და პირველი 45 წუთის შემდეგ, მასპინძლები მინიმალური სხვაობით იგებდნენ.

მამარდაშვილის კარში მეორე გოლი უკვე 52-ე წუთზე გავიდა. ავტოგოლის ავტორი 20 წლის ესპანელი მცველი ნიკო გახდა. ამის შემდეგ, გატუზოს გუნდი მცირე სათამაშო უპირატესობას ფლობდა და საქმე გატანილ გოლამდე მსაჯის მიერ კომპენსირებულ დროში მიიყვანა. გოლის გატანა დიახაბიმ შეძლო.

საბოლოოდ ვალენსია სტუმრად 2:1 დამარცხდა. მამარდაშვილის აქტივში ორ გაშვებულ გოლთან ერთად, ოთხი სეივიც დაფიქსირდა. ხუთი ტურის შემდეგ, "ღამურები" ექვსი ქულით ამჟამად სატურნირო ცხრილში მე-12 ადგილს იკავებენ. მომდევნო მატჩს ისინი უკვე 17 სექტემბერს საკუთარ მოედანზე ჩაატარებენ და სელტას უმასპინძლებენ.

მამარდაშვილის ვალენსია სტუმრად რაიოსთან დამარცხდა

რაიო 2:1 ვალენსია

უახლესი ამბები