სტეფანო პიოლის დარიგებული მილანი სერია ა-ს გასულ ტურში საკუთარ მოედანზე ნაპოლისთან 1:2 დამარცხდა. იტალიის მოქმედი ჩემპიონის წაუგებელი სერია კვარაცხელიამ და მისმა თანაგუნდელებმა დაასრულეს.

ხვიჩამ "სან-სიროზე" პენალტი მოიპოვა, თუმცა მანამდე მილანელთა ორ მცველ, სიმონ კიაერსა და დავიდე კალაბრიას ყვითელი ბარათები მიაღებინა. მეორე ტაიმის სტარტზე პიოლიმ ორივე მცველი შეცვალა. შავ-წითლების თავკაცმა ამასთან დაკავშირებით დასმულ კითხვას უპასუხა.

კიაერი ნამდვიალდ ყვითელი ბარათის გამო შევცვალე. ასეთ მომენტში მისი მოედანზე ყოფნა დამატებით რისკებთან იყო დაკავშირებული. კალაბრიას კი კუნთი დაეჭიმა. ცხადია, ისეთი შემტევის წინაშე თამაში, როგორიც კვარაცხელიაა დავიდესაც უჭირდა, თუმცა ის ორივე ფაზაში საკმაოდ კარგად გამოიყურებოდა და რომ არა ტკივილები არ შევცვლიდი.

კვარაცხელია შესანიშნავი ფეხბურთელია. ჩვენ კი გულდაწყვეტილები ვართ. ამ დღით იმედგაცრუებულები დავრჩით და ცხადია, რომ ეს მარცხი მტკივნეულია, მაგრამ ამით არაფერი სრულდება.

მილანი ამ მარცხის შემდეგ, სატურნირო ცხრილში მეხუთე ადგილზე ჩამოქვეითდა, ხოლო ნაპოლი პირველ პოზიციას იკავებს. მომდევნო ტურში იტალიის ჩემპიონები სტუმრად ემპოლის დაუპირისპირდებიან, ხოლო სპალეტის გუნდი ტორინოს უმასპინძლებს.

პიოლი: "კვარაცხელია შესანიშნავი ფეხბურთელია"

პიოლიმ წაგებული მატჩი შეაფასა

ასევე იხილეთ

უახლესი ამბები