სერია ა-ს მეშვიდე ტურის ცენტრალური დაპირისპირება, რომელიც "სან სიროსზე" მილანსა და ნაპოლის შორის გაიმართა, იტალიის მოქმედი ჩემპიონების მარცხით, 1-2 დასრულდა.

ნეაპოლიტანელებმა მიმდინარე სეზონში უკვე მეხუთე გამარჯვება მოიპოვეს და სატურნირო ცხრილს ბერგამოს ატალანტასთან ერთად 17 ქულით ლიდერობენ.

"როსონერისთან" დაპირისპირებაში, "პარტენოპეის" ქართველმა ლეგიონერმა, ხვიჩა კვარაცხელიამ ტრადიციულად ძირითად შემადგენლობაში ითამაშა და ის ლუჩიანო სპალეტიმ 87-ე წუთზე შეცვალა. კვარა მთელი მატჩის განმავლობაში აქტიურობდა და 54-ე წუთზე თავის გუნდს პენალტი მოუპოვა, რომელიც გოლად მატეო პოლიტანომ აქცია და ანგარიში გახსნა.

მატჩის დასრულების შემდეგ, სხვადასხვა გამოცემებმა მატჩში მონაწილე ფეხბურთელთა შეფასებები გამოაქვეყნეს და უნდა აღინიშნოს, რომ ხვიჩა კვარაცხელიამ არა უმაღლესი, თუმცა კარგი შეფასება დაიმსახურა.

Sofascore-ის შეფასებით, 21 წლის ქართველმა 6,9 ქულა დაიმსახურა. ყველაზე მაღალი შეფასება კი კიმ მინ-ჯეს ერგო - 7,6. Whoscored-მა კი კვარაცხელიას 6,8 ქულა დაუწერა.

7.0-ით შეაფასა ქართველი ფეხბურთელის თამაში cultofcalcio-მ - "მაშინ, როდესაც პირველ ტაიმში სივრცეების ნაკლებობას განიცდიდა, შეხვედრის მეორე ნახევარში ქართველმა მილანი აიძულა დაცვის ფიზიკურ სტილზე მიემართა. მეორე ტაიმის დებიუტში კვარაცხელიას ჭკვიანურ თამაშს გამომუშავებული პენალტი მოჰყვა, რაც ნაპოლიმ უპირატესობაში გადაზარდა", - წერს იტალიური გამოცემა.

კროკო ნაპოლის რეგიონალური პარტნიორია

მილანი 1-2 ნაპოლი | კვარაცხელიამ კარგი შეფასება დაიმსახურა

ნაპოლიმ მილანი დაამარცხა

კვარაცხელიამ პენალტი გამოიმუშავა

უახლესი ამბები