მოგეხსენებათ, რომ გუშინ იტალიის სერია ა-ს ტურის ცენტრალურ მატჩში, იტალიის მოქმედი ჩემპიონი მილანი შინ ნაპოლისთან 1:2 დამარცხდა. ამ მატჩში საკმაოდ შედეგიანი იყო ქართველი შემტევი ხვიჩა კვარაცხელია. მან მატჩის პირველ ნახევარში მეტოქეთა ორ მცველს ყვითელი ბარათი მიაღებინა, ხოლო შემდეგ თერთმეტმეტრიანიც მოიპოვა, რომელიც მისმა თანაგუნდელმა გოლად აქცია.

ხვიჩა Corriere dello Sport-ის დღევანდელ გარეკანზე მოხვდა, წარწერით - COMANDAKVARA - კვარა მბრძანებლობს/მეთაურობს.

Dazn-სთან საუბრისას, ნაპოლის 31 წლის ბრაზილიელმა მცველმა, ჟუან ჟესუსმა ქართველი შემტევი შეაქო.

ხვიჩა ფენომენალური ფეხბურთელია. ის მოედანზე ყოფნის დროს დიდ სიამოვნებას იღებს და მთავარი სწორედ ეს არის. ფეხბურთელმა თამაშით უნდა ისიამოვნოს. ყოველთვის ვურჩევ, რომ მეტოქეზე წავიდეს, სიტუაცია გაამწვავოს და ამით ისიამოვნოს, რადგან ეს ძალიან კარგად გამოსდის.

მისი საუკეთესო თვისება დრიბლინგების განხორციელებაა. მან თამაში სწორედ ისე უნდა გააგრძელოს, როგორც ახლა აკეთებს.

აქვე მოგახსენებთ, რომ ნაპოლი სერია ა-ს მიმდინარე გათამაშებას ლიდერობს და მომდევნო ტურში ტორინოს უმასპინძლებს.

კროკო ნაპოლის ოფიციალური პარტნიორია!

ხვიჩა Corriere dello Sport-ის გარეკანზეა: "COMANDAKVARA"

ხვიჩას იტალიურ მედიაში ისევ აქებენ

ასევე იხილეთ

უახლესი ამბები