ლიონელ მესიმ კატალონიის ბარსელონა 2021 წლის ზაფხულში, თავისუფალი აგენტის სტატუსით დატოვა და პარი სენ-ჟერმენში გადაბარგდა.

ამ ამბავმა არა მარტო ბარსელონას გულშემატკივრები, არამდეს სპორტული სამყარო შოკში ჩააგდო, ვინაიდან ვერავინ წარმოიდგენდა, რომ მესი კატალონიური გრანდის გარდა სხვა კლუბში ითამაშებდა.

კონტრაქტის ამოწურვამდე ერთი წლით ადრე, ლეომ "ბლაუგრანას" იმჟამინდელ პრეზიდენტს, ხოსეპ მარია ბართომეუს ბიუროფაქსი გაუგზავნა და აცნობა, რომ კლუბის დატოვება სურდა, თუმცა მაშინ "ბარსამ" არგენტინელის შენარჩუნება შეძლო. 2021 წლის მარტში კი პრეზიდენტი შეიცვალა და კლუბის შიდა სამზარეულოში ვითარება დასტაბილურდა. რაც იმის მაუწყებელი იყო, რომ მესი კონტრაქტს გაახანგრძლივებდა და "ლურჯ-ბროწეულისფერ" ფორმას მომავალ წლებშიც მოირგებდა, მაგრამ მოხდა ის, რაც ყველას კარგად ახსოვს. ფინანსური პრობლემების გამო, სამხრეთამერიკელმა სუპერვარსკვლავმა კონტრაქტი ვერ გაახანგრძლივა და ბარსელონა აცრემლებულმა დატოვა.

ცოტა ხნის წინ ერთ-ერთმა გავლენიანმა ესპანურმა გამოცემა El Mundo-მ ლიონელ მესის მოთხოვნები გაასაჯაროვა, რომელიც არგენტინელმა ხელშეკრულების გახანგრძლივებისთვის 2020 წელს ბართომეუს წარუდგინა.

როგორც გამოცემა იტყობინება, ლეოს შემდეგი მოთხოვნები გააჩნდა:

სამწლიანი კონტრაქტი ერთი წლით ავტომატურად გახანგრძლივების პერსპექტივით

2020/21 წლების სეზონში 20 პროცენტით დაკლებული ფიქსირებული ხელფასი, რომელიც ყოველ მომდევნო სეზონში 10 პროცენტით უნდა გაზრდილიყო

კორონავირუსის პანდემიისგან გამოწვეული კრიზისის გამო, ლეო თანახმა იყო ხელფასი დაეკლო, თუმცა მომავალში დანაკლისი უნდა ანაზღაურებულიყო 3-პროცენტიანი დანამატით

10 მილიონი ევრო ბონუსის სახით კონტრაქტის გახანგრძლივების სანაცვლოდ

ახალ კონტრაქტში გამოსყიდვის პუნქტის გაუქმება და სიმბოლურად, 10 ათსი ევროს მითითება (კონტრაქტის მიხედვით მესის გამოსასყიდი თანხა 700 მილიონ ევროს შეადგენდა)

VIP ლოჟა "კამპ ნოუზე" მესისა და სუარესის ოჯახებისთვის

არგენტინაში გამგზავრების დროს მესის კერძო თვითმფრინავის დაფინანსება ბარსელონას მხრიდან

როგორც, El Mundo წერს, ბარსელონა თანახმა იყო თავისი სუპერვარსკვლავის ყველა მოთხოვნა შეესრულებინა გარდა ორისა. ესენია: ბონუსის სახით 10 მილიონის გადახდა და კონტრაქტიდან გამოსყიდვის პუნქტის ამოღება. საბოლოოდ კი მესის მხარემ "ბარსასთან" მოლაპარაკება შეწყვიტა, რომელიც უკვე ახალი პრეზიდენტის, ჟოან ლაპორტას დანიშვნის შემდეგ გაგრძელდა, თუმცა ყველაფერი იმით დასრულდა, რომ დღეს ლეო პსჟ-ს ფეხბურთელია.

[html]

Les exigències de Messi per renovar pel Barça el 2020, segons ‘El Mundo’ https://t.co/MKOrhNZiw1
— El Periódico (@elperiodico_cat) September 21, 2022

[/html]

მესის მოთხოვნები | რატომ არ შედგა შეთანხმება?

ესპანური მედია მესის მოთხოვნებს ასაჯაროვებს

უახლესი ამბები