უეფას ერთა ლიგის A დივიზიონის დასკვნით ტურში, ესპანეთის ეროვნული ნაკრები პორტუგალიას ესტუმრება და წარმატების შემთხვევაში ჯგუფში პირველ ადგილს დაიკავებს.

"ფურია როხას" მთავარმა მწვრთნელმა, ლუის ენრიკემ პრესკონფერენცია გამართა და მოახლოებულ მატჩთან დაკავშირებით ისაუბრა, სადაც ესპანელმა სპეციალისტმა აღნიშნა, რომ დღეის მდგომარეობით, პორტუგალიის ნაკრები უკეთესი ფეხბურთელებით არის დაკომპლექტებული.

შესანიშნავი შესაძლებლობა გვაქვს, რომ პლეი ოფში გავიდეთ. ამ შეხვედრას ისე ვუდგებით, როგორც მსოფლიო ჩემპიონატის მეოთხედფინალურ მატჩს, თუმცა აქ მხოლოდ 90 წუთი გვაქვს და ფრე მიუღებელი შედეგი იქნება. ამიტომ, გამარჯვება 90 წუთში უნდა მოვიპოვოთ.

ყოველთვის აღვნიშნავდით, რომ პორტუგალია არის ნიჭერი ფეხბურთელებით დაკომპლექტებული გუნდი, რომელმაც უკვე ბერს მიაღწია. გუნდის ევოლუცია იმით განისაზღვრება თუ რას მიაღწევ. ისევე, როგორც ესპანეთის ნაკრები, პორტუგალიაც შესანიშნავად მუშობს ახალგაზრდა ფეხბურთელებზე.

პორტუგალის ბევრად უკეთესი ფეხბურთელები ჰყავს, ვიდრე ჩვენ. ისინი ინგლისის პრემიერლიგის, ესპანეთის ლა ლიგისა და სხვა ჩემპიონატების სასტარტო შემადგენლობებში თამაშობენ. ასე, რომ მათ წინააღმდეგ თამაში ძალიან საინტერესო იქნება. ვიმედოვნებ, რომ ორივე გუნდი მსოფლიო ჩემპიონატზე წარმატებით იასპარეზებს, - განაცხადა ლუჩომ.

შეგახსენებთ, რომ ხუთი ტურის შემდეგ, პორტუგალია ჯგუფს 10 ქულით ლიდერობს. ესპანელები კი მათ ორი ქულით ჩამორჩებიან. მატჩი თბილისის დროით 22:45 საათზე დაიწყება.

ლუის ენრიკე: "პორტუგალიას უკეთესი ფეხბურთელები ჰყავს"

ერთა ლიგაზე ესპანეთი პორტუგალიას ესტუმრება

ლუის ენრიკემ მატჩის წინ ისაუბრა

უახლესი ამბები