იტალიაში ხვიჩა კვარაცხელიას სახელის გამოყენებით უკვე ბიზნეს-სტრატეგიასაც აწყობენ. ამის შესახებ „ნაპოლის“ საერთაშორისო განვითარების დირექტორმა ტომაზო ბიანჩინიმ რომში სოციალური ფეხბურთის სამიტზე განაცხადა.

საქართველოს ნაკრებისა და ნაპოლის გარემარბი ხვიჩა კვარაცხელია ქართული ფეხბურთის ერთგვარ ბრენდად ჩამოყალიბდა. სერია A-ში დებიუტიდანვე დაიმკვიდრა ადგილი და არაერთი საფეხბურთო ექსპერტის ყურადღებაც მიიპყრო. უკვე ვარსკვლავად ჩამოყალიბებულ კვარაცხელიას ერთგვარი მარკეტინგული ბიძგიც სჭირდება - მისი ბრენდის უკეთ შეფუთვა.

ფეხბურთში და არამარტო, მიღებული პრაქტიკაა, როდესაც ვარსკვლავურ სპორტსმენის სახელს კომერციული მიზნებით იყენებენ და საამისოდ სამოქმედო გეგმასაც ამუშავებენ.

ნაპოლის საერთაშორისო განვითარებათა სამსახურის ხელმძღვანელის ტომაზო ბიანჩინის განცხადებით, რასაც tuttomercatoweb გვთავაზობს, ხვიჩა კვარაცხელიას სახელის გამოყენებით უკვე ბიზნეს-სტრატეგიასაც ამუშავებენ:

ნაპოლი იყენებს ცალკეული მოთამაშის იმიჯის უფლებებს, რაც თითქმის "მარველის" ეფექტს იძლევა. ბევრი პატარა სუპერგმირი შეგვიძლია ნაპოლის რიგებში ჩაეწეროს. ასევე კიმის და კვარაცხელიას სახელის გამოყენებით შეგვიძლია პროდუქტი გავიტანოთ კორეაში და საქართველოში. კვარაცხელიას იმიჯის დასამუშავებლად საქართველოშიც ვიყავით. შევქმენით ისტორიები სუპერგმირებზე, რომლებიც ნაპოლიში და სერია A-ში აღმოჩნდნენ."

კვარაცხელია და კიმი სუპერგმირები არიან. მათზე ისტორიები შეიქმნება

უახლესი ამბები