დღეს იტალიის სერია ა-ს მერვე ტურში, ნაპოლიმ ტორინოს უმასპინძლა და 3:1 დაამარცხა. მასპინძელთა მხრიდან, დუბლის ავტორი ანგისა გახდა, ხოლო ერთი გატანილი გოლით თავი ხვიჩა კვარაცხელიამ გამოიჩინა. ქართველმა შემტევმა სერია ა-ში მეხუთე გოლი გაიტანა. მან მინდორზე 81 წუთი დაჰყო.

რვა ტურის შემდეგ, ნაპოლის 20 ქულა დაუგროვდა და სატურნირო ცხრილში კვლავ პირველ ადგილზე იმყოფება. მომდევნო ტურში სპალეტის გუნდი კრემონეზეს ესტუმრება, თუმცა მანამდე ჩემპიონთა ლიგაზე ამსტერდამის აიაქსის წინააღმდეგ იასპარეზებს. დღეს მოგებული შეხვედრის შემდეგ, ლუჩიანო სპალეტიმ შეხვედრა შეაფასა და კვარაცხელიაზეც ისაუბრა.

პირველი ნახევარი საათი შესანიშნავად ვითამაშეთ. დავიწყეთ ძალიან ძლიერად. გავაერთიანეთ სათამაშო ხარისხი და ძალა. 40 წუთის განმავლობაში ვნახე ის, რასაც ჩემი ბიჭებისგან ვითხოვდი. ამის შემდეგ, კონტროლი ცოტათი დავკარგეთ, მაგრამ უნდა აღინიშნოს ტორინოს კარგი თამაშიც.

ბურთს სწრაფად გადატანა მათ ნახევარზე მარტივი არ იყო. მათი თითოეული ფეხბურთელი თამაშობდა ჩვენი მოთამაშეების წინააღმდეგ საკმაოდ მჭიდროდ. ჩვენი სამი გოლიდან, ორი სწორედ ბურთის ცირკულაციის წყალობით გავიტანეთ, რამაც საშუალება მოგვცა, რომ აგვეცილებინა მათი პრესინგი.

კვარაცხელიას პირველ ტაიმში რამდენჯერმე დავუძახე, რადგან მინდოდა, რომ მოედანზე მას უფრო მეტი შესაძლებლობა ჰქონოდა გოლის გასატანად. მსურდა, მოედნის ცენტრში მეტად ეთამაშა. კვარა საოცარი ფეხბურთელია, რომელიც მეტოქეებისთვის ბურთის დამალვას კარგად ახერხებს. ის ნამდვილად სტრატოსფერული მოთამაშეა იმ ვარიაციებისა და სათამაშო გადაწყვეტილებების გათვალისწინებით, რომლის მიღებასაც ყოველთვის ახერხებს მატჩის დროს.

რაც შეეხება ანგისას, მე მსურს, რომ გუნდში არა ერთი, არამედ ოთხი მისნაირი მყავდეს. ეს არის ნახევარმცველი, რომლის მიზანია თავისი განსაკუთრებული თვისებების დემონსტრირება.

კროკო ნაპოლის ოფიციალური პარტნიორია!

📸 #NapoliTorino: la gallery del secondo tempo

💙 #ForzaNapoliSempre pic.twitter.com/RjbR6qMpLb
— Official SSC Napoli (@sscnapoli) October 1, 2022

სპალეტი: "კვარაცხელია სტრატოსფერული მოთამაშეა"

ნაპოლი სერია ა-ს დამაჯერებლად ლიდერობს

უახლესი ამბები