მადრიდის რეალის ამჟამინდელმა თავკაცმა, კარლო ანჩელოტიმ, რომელიც ნაპოლის 2018-19 წლებში ხელმძღვანელობდა, ნეაპოლური კლუბისა და ხვიჩა კვარაცხელიას შესახებ ისაუბრა. როგორც ჩანს, იტალიელი სპეციალისტისთვის გასაკვირი სულაც არაა ის ფაქტი, რომ ახალგაზრდა ქართველი შემტევი იტალიურ გუნდში შესანიშნავად გამოიყურება. მის სიტყვებს FOOTBALL-ITALIA ციტირებს.

ნაპოლიმ გასულ ზაფხულს რამდენიმე ძალიან კარგი მოთამაშე დაიმატა, რომლებმაც გუნდი საგრძნობლად გააძლიერეს. დღეს რთულია იმის პროგნოზირება თუ რისი გაკეთება შეუძლიათ მათ რეალურად. ახალმა მოთამაშეებმა ეს გუნდი არაპროგნოზირებადი გახადეს.

კვარაცხელია სიურპრიზია? ეს მათთვის, ვინც მას არ იცნობდა. ჩვენ მას მაშინაც ვაკვირდებოდით, როცა მე ნაპოლიში ვმუშაობდი. ის განსაკუთრებული მოთამაშეა.

შეგახსენებთ, რომ ლუჩიანო სპალეტის დარიგებული ნაპოლი 2022-23 წლების სეზონში შესანიშნავად გამოიყურება. გუნდი იტალიის სერია ა-ში პირველობას არავის უთმობს. ჩემპიონთა ლიგაზე კი განვლილ ორ ტურში გამარჯვებების მოპოვება შეძლო და ჯგუფს დამაჯერებლად ლიდერობს. კვარაცხელიამ კი იტალიურ კლუბში თავი ხუთი გატანილი გოლითა და სამი საგოლე გადაცემის შესრულებით გამოიჩინა.

კროკო ნაპოლის ოფიციალური პარტნიორია!

ანჩელოტი: "კვარაცხელია განსაკუთრებული მოთამაშეა"

კარლო ანჩელოტიმ ხვიჩა კვარაცხელიაზე ისაუბრა

უახლესი ამბები