კომპანია კროკობეთი საფეხბურთო კლუბ სამგურალის სპონსორი გახდა, სპორტული პორტალი Croco.ge კი, მედია პარტნიორი იქნება.

„კროკო კვლავაც რჩება ქართული სპორტის მხარდამჭერად და მოხარულები ვართ, რომ ამჯერად თანამშრომლობას წყალტუბოს სამგურალთან დავიწყებთ. კლუბს აქვს რეალური შანსი, მოხვდეს ევროტურნირების ზონაში და იმედი გვაქვს, მათ წარმატებაში წვლილს ჩვენც შევიტანთ.

გვჯერა, რომ ამ კლუბს დიდი წარმატების მიღწევა შეუძლია“, - განაცხადა კროკობეთის მარკეტინგის დეპარტამენტის ხელმძღვანელმა, გიორგი რომანაძემ.

„მრავალი წელია კომპანია კროკობეთი ქართული ფეხბურთში მნიშვნელოვან ინვესტიციას ახორციელებს და ქართულ კლუბებს აფინანსებს. გარდა ამისა, კომპანია სპორტის სხვა სახეობებსაც ეხმარება. სასიხარულოა, რომ ასეთი წარმატებული კომპანია სამგურალით დაინტერესდა და ჩვენი გუნდის სპონსორი გახდა.

აღნიშნული თანამშრომლობით სამგურალმა მნიშვნელოვანი მხარდაჭერა მოიპოვა. იმედი მაქვს, რომ ჩვენი თანამშრომლობა წარმატებული იქნება და მიმდინარე სეზონს კარგი შედეგით დავასრულებთ“, - განაცხადა სამგურალის დირექტორმა, თედო ფესტვენიძემ.

სამგურალი 1945 წლის წინ, წყალტუბოში დაარსდა. კლუბი საშინაო მატჩებს წყალტუბოში, 26 მაისის სტადიონზე ატარებს. 2020 წელს სამგურალი ეროვნულ ლიგა 2-ში მეორე ადგილზე გავიდა, პლეიოფში საჩხერის ჩიხურა ორი მატჩის ჯამში 3:0 დაამარცხა და ეროვნულ ლიგაში დაბრუნდა. ამავე წელს სამგურალი დავით ყიფიანის სახელობის საქართველოს თასის ფინალში გავიდა, სადაც ტორპედოსთან პენალტების სერიაში დამარცხდა. 2022 წლის სეზონში წყალტუბოური გუნდი 28 ტური შემდეგ საქართველოს ჩემპიონატში 42 ქულით მეხუთე ადგილზეა.

კომპანია კროკობეთი წლების განმავლობაში არაერთი ქართული სპორტული გუნდისა თუ სპორტსმენის სპონსორი იყო. მიმდინარე წლიდან კროკო ევროპის მასშტაბით საფეხბურთო კლუბ ნაპოლის სპონსორი გახდა. ტრადიცია გრძელდება, კროკო კვლავაც ქართული სპორტის მხარდამჭერია და უახლოეს მომავალშიც არაერთი სპორტსმენისა თუ გუნდის გვერდში იდგება.

კროკობეთი სამგურალის სპონსორია

croco.ge სამგურალის მედია პარტნიორი იქნება

უახლესი ამბები