გუშინ ფრანკფურტში, ფესტჰალეს საგამოფენო ცენტრში 2024 წლის ევროპის ჩემპიონატის შესარჩევი ციკლის წილისყრა გაიმართა და საქართველოს ეროვნული ნაკრების მეტოქეები ცნობილი გახდა. სანიოლის გუნდი A ჯგუფში იასპარეზებს, სადაც მას კონკურენციას ისეთი ნაკრებები გაუწევენ, როგორიცაა: ესპანეთი, შოტლანდია, ნორვეგია და კვიპროსი.

"ჯვაროსნებისთვის" ხსენებულ ტურნირზე კალენდარი ასე გამოიყურება - 28.03.2023 ნორვეგია (შინ), 17.06.2023 კვიპროსი (გასვლა), 20.06.2023 შოტლანდია (გასვლა), 08.09.2023 ესპანეთი (შინ), 11.09.2023 ნორვეგია (გასვლა), 15.10.2023 კვიპროსი (შინ), 16.11.2023 შოტლანდია (შინ), 19.11.2023 ესპანეთი (გასვლა).

აქვე მოგახსენებთ, რომ პლეი ოფის ნახევარფინალური და ფინალური მატჩები 2024 წლის მარტის თვეში ჩატარდება, ხოლო კონტინენტის პირველობას გერმანიის 10 ქალაქი 14 ივნისიდან 14 ივლისის ჩათვლით უმაპსინძლებს.

ევრო 2024-ის საკვალიფიკაციო ეტაპის კალენდარი

საქართველოს ნაკრების კალენდარი ცნობილია

უახლესი ამბები