ესპანურ ფეხბურთში ახალი სკანდალი აგორდა. ადგილობრივი ფედერაციის პრეზიდენტ, ლუის რუბიალესს Whatsapp-ში გამართული მიმოწერა გამოუქვეყნეს, სადაც ის მამამისს წერს, რომ ყველაზე მეტად ვილიარეალი, სევილია და ვალენსია ეზიზღება.

პირველი მიმოწერა 2020 წლის 18 იანვრით თარიღდება. ის სევილიასა და მადრიდის რეალის მატჩამდე შედგა და მასში რუბიალესი ამბობს: "მოდი ვნახოთ, სევილიას თუ მოვკლავთ. ეს კლუბი ჩემს საძულველ გუნდებს შორის მეორე ადგილზეა". ამაზე ის შემდეგ პასუხს იღებს: "დიახ, ჩემთვის ასეთები ვალენსია და სევილია არიან".

ამაზე ფედერაციის პრეზიდენტმა შემდეგი პასუხი გასცა: "ჩემი საძულველი კლუბების სია კი ასეთია - ვილიარეალი, სევილია და ვალენსია".

ხსენებული მატჩი რეალმა 2:1 მოიგო. აღსანიშნავია, რომ ამ შეხვედრაში სევილიას გოლი არ ჩაუთვალეს, რასაც ისინი უსამართლობას უწოდებდნენ. ამ მიმომწერების გასაჯაროების შემდეგ, ზემოთხსენებულმა კლუბებმა ოფიციალური განცხადებები გაავრცელეს და ფედერაციის პრეზიდენტის ასეთი მიდგომა სასტიკად დაგმეს. ისინი ამბობენ, რომ მსგავსი რამ მიუღებელია და ფედერაციის პრეზიდენტისთვის, ყველა კლუბი თანასწორი უნდა იყოს. ვალენსია, სევილია და ვილიარეალი ლუის რუბიალესს მოუწოდებენ, რომ ამ ფაქტთან დაკავშირებით განცხადება გააკეთოს და ბოდიში მოიხადოს.

სკანდალი ესპანეთში - ფედერაციის პრეზიდენტს Whatsapp-ის მიმოწერა გამოუქვეყნეს

ლუის რუბიალესი სკანდალში ეხვევა

უახლესი ამბები