მოგეხსენებათ, რომ 2022 წლის ოქროს ბურთის გამარჯვებული მადრიდის რეალის ფრანგი თავდამსხმელი, კარიმ ბენზემა გახდა, თუმცა ეს უკვე წარსულია და ელიტარული ფეხბურთელები მომავალი ოქროს ბურთის მოსაგებად უკვე იბრძვიან.

გამოცემა GOAL-ი ახალი, 2022-23 წლების სეზონის მიმდინარე სტატისტიკის მიხედვით, წარმოგვიდგენს 20 საუკეთესო მოთამაშეს, რომლებიც ამ რეიტინგში ამჟამად მოწინავე პოზიციებს იკავებენ და მათ დღევანდელი გადმოსახედიდან, მომავალ წელს, ოქროს ბურთის მოგების დიდი შანსი აქვთ. შეგახსენებთ, რომ 2022 წლის მუნდიალი ყატარში ნოემბერსა და დეკემბერში გაიმართება და მომავალ წელს, ოქროს ბურთის საკითხში მუნდიალზე ნაჩვენები შედეგიც დიდ გავლენას იქონიებს.

აღსანიშნავია, რომ ხსენებულ ოცეულში ნაპოლისა და საქართველოს ეროვნული ნაკრების ახალგაზრდა შემტევი, ხვიჩა კვარაცხელიაც მოხვდა. ის ზემოთხსენებული გამოცემის რეიტინგში მე-15 ადგილს იკავებს.

სტატისტიკა 2022-23 წლების სეზონში - ცხრა გატანილი გოლი და ამდენივე საგოლე გადაცემა. უდავოა, რომ ის ევროპული ფეხბურთის გამორჩეული ვარსკვლავია. ადამიანი, რომელსაც ნეაპოლში "კვარადონას" უწოდებენ, ამ სეზონში როგორც სერია ა-ში, ასევე ჩემპიონთა ლიგაზეც პირველად ასპარეზობს და ამას შესანიშნავად აკეთებს.

ის ნაპოლის შემტევი ხაზის ნაწილია, რომელმაც წელს ყველა მეტოქე გაანადგურა. კვარაცხელიას პირდაპირი თამაშის სტილი, მისი შეუცდომელი პასები და დრიბლინგის უნარი, სტადიონზე მისულ გულშემატკივრებს აღაფრთოვანებთ.

სამწუხაროდ, ის არ ითამაშებს მსოფლიოს ჩემპიონატზე, რათა ოქროს ბურთისთვის ბრძოლაში, გააგრძელოს თავისი ნიჭის დემონსტრირება, თუმცა თუ ის შეძლებს, რომ არსებული ფორმა შეინარჩუნოს, არ არსებობს მიზეზი იმისა, რომ ამ კონკურენციაში ჩაბმული არ იყოს.

ტოპ 20 მოთამაშის სია კი ასე გამოიყურება.

20 - ჯუდ ბელინგემი (დორტმუნდი)

19 - ფედე ვალვერდე (რეალი)

18 - კოდი გაკპო (პსვ)

17 - რაფაელ ლეაუ (მილანი)

16 - ლეროი ზანე (ბაიერნი)

15 - ხვიჩა კვარაცხელია (ნაპოლი)

14 - სადიო მანე (ბაიერნი)

13 - გაბრიელ ჟესუსი (არსენალი)

12 - ჯამალ მუსიალა (ბაიერნი)

11 - ჰარი კეინი (ტოტენჰემი)

10 - ფილ ფოდენი (მან.სიტი)

9 - მოჰამედ სალაჰი (ლივერპული)

8 - კარიმ ბენზემა (რეალი)

7 - კევინ დე ბრუინი (მან.სიტი)

6 - ვინისიუს ჟუნიორი (რეალი)

5 - რობერტ ლევანდოვსკი (ბარსელონა)

4 - ერლინგ ჰალანდი (მან.სიტი)

3 - კილიან მბაპე (პსჟ)

2 - ნეიმარი (პსჟ)

1 - ლიონელ მესი (პსჟ).

კროკო ნაპოლის რეგიონალური პარტნიორია

ოქროს ბურთი 2023 - კვარაცხელია GOAL-ის 20 საუკეთესო ფეხბურთელს შორის

2023 წლის ოქროს ბურთის მოსაგებად ბრძოლა გრძელდება

უახლესი ამბები