ხვიჩა კვარაცხელია რომ ნაპოლის რიგებში ბრწყინვალე სეზონს ატარებს, ამაზე როგორც ქართული, ასევე უცხოური მედიაც აქტიურად საუბრობს. ახალგაზრდა ქართველმა შემტევმა ევროპელები აღაფრთოვანა და მის მიმართ ინტერესს უკვე სხვა ტოპ კლუბებიც იჩენენ, მაგრამ ცნობილია, რომ ნაპოლი ხვიჩას შენარჩუნებას აპირებს და მისი გაყიდვა ამ ეტაპზე არ იგეგმება.

ხვიჩას მამამ, ბადრი კვარაცხელიამ ტელე იმედის ეთერში თავისი ვაჟის შესახებ ისაუბრა.

როცა ნაპოლის სტადიონზე ხარ და შენს გვარს 60,000 ადამიანი ყვირის, ამ გრძნობის სიტყვებით გადმოცემა შეუძლებელია. მითუმეტეს, როცა საქმე საქართველოს ლიგიდან ჩამოსულ ფეხბურთელს ეხება.

ყოველთვის დარწმუნებული ვიყავი, რომ ხვიჩა თავიდანვე კარგად გამოვიდოდა. მას არ დასჭირვებია ადაპტაციისთვის დრო. უკვე აჩვენა თუ რა შეუძლია. ძალიან კარგია, რომ გუნდში ერთიანობაა. იქ მას შეუძლია მეგობრული დამოკიდებულება იგრძნოს. ლუჩანო სპალეტის თავის ფეხბურთელებთან ძალიან კარგი ურთიერთობა აქვს და ეს ბევრს ნიშნავს.

ხვიჩა სავარჯიშოდ დილის რვა საათზე მიდის. დაახლოებით ორ საათზე კი ბრუნდება და ისვენებს. როცა დასვენების დღე ჰქონდა, ქალაქში სასეირნოდაც გავედით.

კონტრაქტი? ამ საკითხზე ჩვენთან არავის უსაუბრია. ხვიჩა ახლა ამაზე არც კი ფიქრობს. მისი მთავარი საფიქრალი მხოლოდ მომდევნო მატჩებია. რა თქმა უნდა, ის ეცნობა სატრანსფერო ჭორებს, თუმცა ყოველივე ეს მასზე გავლენას ვერ მოახდენს.

კროკო ნაპოლის რეგიონალური პარტნიორია

ბადრი კვარაცხელია: "დარწმუნებული ვიყავი, რომ ხვიჩა თავიდანვე კარგად გამოვიდოდა"

ბადრი კვარაცხელიამ თავისი ვაჟის შესახებ ისაუბრა

უახლესი ამბები