მაროკოსა და კანადას შორის მსოფლიო ჩემპიონატის ჯგუფური ეტაპის დასკვნით ტურს სატურნირო მნიშვნელობა მხოლოდ აფრიკელებისთვის აქვს. გამარჯვების ანაც ფრეს შემთხვევაში მაროკო ფლეი ოფში გავა. ვალიდ რეგრაგის გუნდის შანსები ხორვატიასთან ნულოვანი ფრის და ბელგიასთან (2:0) გამარჯვების დამსახურებაა.

აი, კანადა, რომელმაც პირველ ტურში ჯგუფის ფავორიტ ბელგიასთან კარგი შთაბეჭდილება დატოვა და მინიმალური ანგარიშით დამარცხდა, ხორვატიასთან წაგებით მუნდიალის ფლეი ოფში გასვლას დაემშვიდობა. ასე რომ, ჩრდილოეთ ამერიკელთა სატურნირო მოტივაციის არ ქონით ფავორიტად სწორედ მაროკო გვევლინება. მთავარია, შეხვედრა არ წააგონ.

ჩრდილოეთ ამერიკელები საინტერესონი არიან შეტევაში და აფრიკელებისთვის სირთულეების შექმნაც შეუძლიათ, მაგრამ გოლის გატანა ალბათ ძალიან გაუჭირდებათ, რადგან მაროკომ გვაჩვენა, რომ დაცვაში საიმედოდ თამაში შეუძლია.

კანადელთა მწვრთნელი ჯონ ჰერდმანი თავისი გუნდისგან დარჩენილ შეხვედრაში ისტორიის დაწერას მოითხოვს. "ნეკერჩხლის ფოთლები" მსოფლიო თასებზე ჯერაც პირველი გამარჯვებისკენ ისწრაფვიან. არსებობს ალბათობა, რომ მათთვის პირველი და ერთადერთი მსოფლიო ჩემპიონატის შედეგი გაიმეორონ - კანადამ მათთვის სადებიუტო 1986 წლის მექსიკის მსოფლიო თასი ნული ქულით დაასრულა.

ჯერჯერობით ერთადერთი, რაც კანადამ 2022 წლის მუნდიალზე შეძლო და ყურადღებაც მიიქცია, ეს კვირას, ხორვატიასთან წაგებულ შეხვედრაში (1:4) ისტორიაში პირველი გოლის გატანაა, რომელიც მიმდინარე მსოფლიო თასზე ჯერაც ყველაზე სწრაფი გოლის (ალფონსო დევისმა მატჩის დაწყებიდან 67 წამში გაიტანა) სტატუსით სარგებლობს.

კანადას, როგორც 2026 წლის მსოფლიო ჩემპიონატის თანამასპინძელს [აშშ-სთან და მექსიკასთან ერთად] მაროკოს დამარცხებით ჩემპიონატის მაღალ ნოტზე დასრულება სურს. გუნდთან, რომელსაც დღემდე სამჯერ შეხვედრია, ორჯერ წაუგია და ერთხელაც ფრე ეთამაშა.

საკუთარი ისტორიის დასაწერად ისწრაფვიან მაროკოელებიც. ვალიდ რეგრაგის გუნდი ხორვატიასთან ფრის და ბელგიის დამარცხებით ახლოს არის მერვედფინალში გასვლით მათთვის საუკეთესო 1986 წლის მექსიკის მუნდიალის შედეგი გაიმეოროს. ეს კი შესაძლებელია ფრის, საუკეთესო შემთხვევაში კი მოგებით, რომელიც F ჯგუფში პირველი ადგილის მომტანიც იქნება.

სავარაუდო შემადგენლობა:

კანადა: ბორიანი; ჯონსტონი, ვიტორია, მილერი, ლარია, ჰაჩინსონი, ეუსტაკიო, დევისი, დევიდი, ლარინი, ბიუკენენი

მაროკო: ბუნუ; ჰაკიმი, აგერდი, საისი, ატიატალა, ამრაბატი, უნახი, ამალა, ზიეში, ენ-ნასირი, ბუფალი.

The final matches in Group E and F are today! 👊

Who will be advancing to the Round of 16? 🤔#FIFAWorldCup #Qatar2022
— FIFA World Cup (@FIFAWorldCup) December 1, 2022

პრევიუ | კანადა - მაროკო

კანადელთა სატურნირო მოტივაციის არ ქონით ფავორიტად სწორედ მაროკო გვევლინება

უახლესი ამბები