უკვე რამდენიმე კვირაა, რაც 37 წლის კრიშტიანუ რონალდუ უკლუბოდაა. ამის მიზეზი კი მისი ინტერვიუ გახდა, სადაც პორტუგალიელმა სუპერვარსკვლავმა მანჩესტერ იუნაიტედის ხელმძღვანელები და მთავარი მწვრთნელი, ერიკ ტენ ჰაგი გააკრიტიკა.

ამ ეტაპზე უცნობია თუ სად გააგრძელებს რონალდუ კარიერას, თუმცა დღეს მისთვის მთავარი საფიქრალი მაროკოსთან მატჩი იქნება, ვინაიდან პორტუგალიის ეროვნული ნაკრები მსოფლიო ჩემპიონატზე ნახევარფინალში გასასვლელად იბრძოლებს.

ტენ ჰაგმა რონალდუსთან დაკავშირებით ისაუბრა და აღნიშნა, რომ მისმა ინტერვიუმ ყველაფერი შეცვალა.

მე და კლუბის ხელმძღვანელები მოკლე დროში შევთანხმდით, რომ მისი ინტერვიუს შემდეგ, რონალდუსთან თანამშრომლობას ვერ გავაგრძელებდით და ის უნდა წასულიყო.

რა თქმა უნდა, ზოგჯერ შეიძლება, რომ ფეხბურთელის გარკვეულ ქმედებაზე თვალები დახუჭო, თუმცა არა ასეთ რამეზე. მანჩესტერ იუნაიტედი ამას ვერ დაუშვებდა.

გუნდში მოსვლის პირველი დღიდან მსურდა, რომ რონალდუ დარჩენილიყო და ჩვენი პროექტის ნაწილი ყოფილიყო, თუმცა მისმა ინტერვიუმ ყველაფერი შეცვალა.

ჩვენ მომავლისკენ ვიყურებით. გვსურს, რომ ეს პროცესი გავაგრძელოთ, გვინდა, რომ მანჩესტერ იუნაიტედის კარგი მოამვალი დავინახოთ, მაგრამ კრიშტიანუს არ სურდა, რომ ამ ყველაფრის ნაწილი ყოფილიყო.

მჯერა, რომ დღეს გუნდის თითოეულ წევრს ერთიანობა სურს. გუნდი ხალხთან უნდა იყოს დაკავშირებული. მე გულშემატკივრებთან კავშირს ვგრძნობ.

ტენ ჰაგი: "რონალდუს ინტერვიუმ ყველაფერი შეცვალა"

მანჩესტერ იუნაიტედის მწვრთნელმა კრიშტიანუ რონალდუზე ისაუბრა

უახლესი ამბები