მსოფლიო ფეხბურთის მმართველმა ორგანიზაციამ (FIFA) კატარში მიმდინარე 2022 წლის მსოფლიო ჩემპიონატის ფინალურ მატჩზე პოლონელ არბიტრთა ბრიგადა დანიშნა.

როგორც ცნობილი ხდება, მუნდიალის გადამწყვეტ მატჩში, სადაც ერთმანეთს არგენტინისა და საფრანგეთის ეროვნული ნაკრებები დაუპირისპირდებიან, მთავარი მსაჯი შიმონ მარჩინიაკი იქნება, რომელსაც პაველ სოკოლნიცკი, ტომაშ ლისტკევიჩი და ტომაშ კვიატკოვსკი დაეხმარებიან.

აღსანიშნავია, რომ მარჩინიაკმა მიმდინარე მსოფლიო ჩემპიონატზე ამ გუნდების მონაწილეობით ორი შეხვედრა იმსაჯა. ის საფრანგეთი - დანიისა (2-1) და არგენტინა - ავსტრალიის (2-1) მატჩებზე მუშაობდა.

შეგახსენებთ, რომ არგენტინასა და საფრანგეთს შორის ფინალური მატჩი 18 დეკემბერს გაიმართება და თბილისის დროით 19:00 საათზე დაიწყება.

მუნდიალის ფინალს პოლონელი არბიტრი იმსაჯებს

ფიფამ მარჩინიაკი ფინალზე დანიშნა

უახლესი ამბები