არგენტინაში მესის გამოსახულებით კუპიურების გამოშვება იგეგმება

ლიონელ მესის ლიდერობით, არგენტინის ეროვნულმა ნაკრებმა 2022 წლის მსოფლიო ჩემპიონატის მოგება შეძლო. არგენტინელებმა მუნდიალზე წარმატებას ისტორიაში მესამედ, ხოლო 21-ე საუკუნეში პირველად მიაღწიეს.

კატარის მუნდიალის საუკეთესო მოთამაშე ლიონელ მესი გახდა. მან ფინალში ორი გოლიც გაიტანა. The Sun-ის ცნობით, არგენტინაში მესისა და ნაკრების გამოსახულებით პირველი კუპიურების გამოშვებას განიხილავენ. ვალუტა კი 1000 არგენტინული პესოს კატეგორიის იქნება, რაც დაახლოებით 10,000 დოლარის ექვივალენტი გახლავთ. ლათინო ამერიკის ისტორიაში ეს ყველაზე ძვირადღირებული კუპიურა იქნება.

ბუენოს აირესში ზეიმი ამ დრომდე გრძელდება. მედიაში ქუჩაში გადაღებული კადრები ვრცელდება. გაირკვა, რომ ხალხის გადაჭარბებული რაოდენობის გამო, ნაკრებმა გუშინ ზეიმი იძულებით შეწყვიტა და ფეხბურთელები ვერტმფრენით გადაიყვანეს.

ლიონელ მესი BBC-მ წლის სპორტის ვარსკვლავადაც დაასახელა. არგენტინელი სუპერვარსკვლავი მარაკანას დიდების დარბაზშიც მიიწვიეს. უამრავი ცნობილი ფეხბურთელი და საფეხბურთო ექსპერტი მიიჩნევს, რომ მესი მომავალ წელს ოქროს ბურთსაც მოიგებს.