მსოფლიო ფეხბურთის ლეგენდა, "ფეხბურთის მეფე", ბრაზილიელი ედსონ არანტეს დო ნასიმენტო პელე 82 წლის ასაკში გარდაიცვალა.

მიმდინარე წლის 29 ნოემბერს, ჯანმრთელობის გაუარესების გამო, პელე რეანიმაციაში იქნა გადაყვანილი, სადაც მას თირკმელებისა და გულის უმარისობის დიაგნოზი დაუსვეს.

ასევე, ქიმიოთერაპიამ, რომელიც მან მსხვილი ნაწლავის კიბოს მკურნალობის ფარგლებში გაიარა, სასურველი შედეგის მიცემა შეწყვიტა.

პელე ერთადერთი ფეხბურთელია ისტორიაში, რომელსაც მსოფლიო ჩემპიონატი სამჯერ აქვს მოგებული. მან ბრაზილიის ნაკრებთან ერთად მუნდიალი 1958, 1962 და 1970 წლებში მოიგო. საერთო ჯამში მან ფიფას მსოფლიო თასზე 14 მატჩი ჩაატარა და 12 გოლი გაიტანა. აქედან სამი ფინალურ მატჩებში.

პელე "სელესაოს" ღირსებას 1957-1971 წლებში იცავდა და 92 შეხვედრაში 77 გოლი გაიტანა. ის ბრაზილიის ნაკრების საუკეთესო ბომბარდირის სტატუს 50 წელზე მეტს ატარებდა და მხოლოდ ცოტა ხნის წინ შეძლო ნეიმარმა ამ შედეგის გამეორება.

ფიფას, World Soccer-ისა და France Football-ის ვერსიით, პელე XX საუკუნის საუკეთესო ფეხბურთელად იყო დასახელებული.

ბრაზილიელი ლეგენდა, პელე 82 წლის ასაკში გარდაიცვალა

პელე ხანგრძლივი ავადმყოფობის შემდეგ გარდაიცვალა

უახლესი ამბები