იტალიის სერია ა-ს მე-18 ტურის ცენტრალურ დაპირისპირებაში, ნაპოლიმ "დიეგო მარადონას სტადიონზე" ტურინის იუვენტუსს უმასპინძლა და 5-1 გაანადგურა.

აღნიშნულ დაპირისპირებაში პირველი გოლი ხვიჩა კვარაცხელიას აქტიურობის შემდეგ გავიდა. ქართველი შემტევის ვარდნაში დარტყმის შემდეგ, ბურთი ვოიცეხ შესნიმ მოიგერია, თუმცა დამატებაზე ყველას ვიქტორ ოსიმენმა დაასწრო. 39 წუთზე კი ნიგერიელის პასით მასპინძელთა უპირატესობა ხვიჩამ გაზარდა. ხოლო, ტაიმის მიწურულს, ანგარიში მინიმუმამდე ანხელ დი მარიამ შეამცირა.

შეხვედრის მეორე ნახევარში კვარაცხელიამ აქტივში ორი შედეგიანი გადაცემა ჩაიწერა. "პარტენოპეის" ქართველი შემტევის პასებით გოლი ჯერ ამირ რაჰმანიმ გაიტანა, შემდეგ კი ოსიმენმა დუბლი გაიფორმა. ტაბლოზე საფინალო ანგარიში კი ელიფ ელმასმა დააფიქსირა.

აღსანიშნავია, რომ ნაპოლის ერთ-ერთმა გულშემატკივარმა, გარდა იმისა, რომ მისმა გუნდმა გაახარა, სოლიდური თანხის მოგებაც მოახერხა. როგორც ცნობილი ხდება, რომის ერთ-ერთ ბეთინგ კომპანიაში მომხმარებელმა ივარაუდა, რომ მისი საყვარელი გუნდი მეტოქეს 5-1 დაამარცხებდა, რაზეც კოეფიციენტი 105 გახლდათ. ქომაგმა კი ამ პოზიციაზე 350 ევრო განათავსა და 36 750 ევრო მოიგო.

[html]

Napoli-Juventus, tifoso scommette in una schedina 350 euro sul 5-1 e ne vince 36.750 https://t.co/BzD0hUFw32
— Il Messaggero - Sport (@MessaggeroSport) January 14, 2023

[/html]

კროკო ნაპოლის რეგიონალური პარტნიორია!

ნაპოლის ქომაგმა ზუსტი ანგარიშის გამოცნობით სოლიდური თანხა მოიგო

ნაპოლის გულშემატკივარმა 36 750 ევრო მოიგო

უახლესი ამბები