იტალიის სერია ა-ს ეგიდით გამართულ მორიგ მატჩში, ნაპოლიმ სტუმრად სალერნიტანას ორი უპასუხო გოლი გაუტანა. თავი დი ლორენცომ და ოსიმენმა გამოიჩინეს. ხვიჩა კვარაცხელიამ კი დღევანდელი შეხვედრა გამოტოვა.

მოპოვებული გამარჯვების შემდეგ, ლუჩანო სპალეტის დარიგებულ გუნდს 50 ქულა დაუგროვდა და უახლოეს მდევარ მილანს ამ მომენტისთვის 12 ქულით უსწრებს. მომდევნო ტურში ნეაპოლელებს შინ რომას წინააღმდეგ თამაში მოუწევთ.

სალერნიტანასთან მოპოვებული გამარჯვების შემდეგ, მედიასთან ლუჩანო სპალეტიმ ისაუბრა.

თამაში მაშინ დავალაგეთ, როცა ტემპის აწევა მოვახერხეთ. ეს ძალიან მნიშვნელოვანი გამარჯვება იყო. ასეთი შეხვედრები ყოველთვის რთულია, რადგან ის შეიძლება განპირობებული იყოს მრავალი ემოციური ფაქტორით. საჭირო იყო მისი სწორი კუთხით მართვა და თამაში მაღალი ინტენსივობით.

პირველ ტაიმში ბურთს კარგად ვფლობდით, მაგრამ რამდენჯერმე სარისკოდ მოვიქეცით. შემდეგ კი სწრაფმა და ხარისხიანმა თამაშმა საშუალება მოგვცა, რომ გოლი გაგვეტანა და თამაში უფრო ღია გავხადეთ.

მეორე ტაიმში, ორბურთიანი უპირატესობის მოპოვების შემდეგ, ჩვენი პოტენციალი მის შესანარჩუნებლად გამოვიყენეთ. ფეხბურთში ვერასოდეს იქნები ბოლომდე მშვიდად. ჩვენ ამაღამ ვნახეთ მერეტის შესანიშნავი სეივი, რამაც მოგებული თამაშის გამწვავებას ხელი შეუშალა. მან საოცარი სეივები განახორციელა, რაც ადასტურებს, რომ ბრწყინვალე მეკარეა.

ჯოვანი დი ლორენცო ფუნდამენტური მოთამაშეა, რომელიც იმსახურებს კაპიტნის სამკლაურის ტარებას. ის საოცარი ფეხბურთელია, რომელიც გამოირჩევა ერთგულებით და აჩვენებს თავის შესაძლებლობებს ყოველი ვარჯიშის დროს.

გუნდში ბევრი პროფესიონალი გვყავს, რომლებსაც გუნდის წარმატებაში თავიანთი წვლილი შეაქვთ. ჩვენ ვიცით, რომ ისტორიული შესაძლებლობის წინაშე ვდგავართ, მაგრამ რაც უნდა გავაკეთოთ არის ის, რომ გავაგრძელოთ ფეხბურთის თამაში ჩვენს სტილში და ეს პასუხისმგებლობა ყოველ მატჩში უნდა იგრძნობოდეს.

კროკო ნაპოლის რეგიონალური პარტნიორია!

სპალეტი: "ვიცით, რომ ისტორიული შესაძლებლობის წინაშე ვდგავართ"

ნაპოლიმ სალერნიტანა დაამარცხა

უახლესი ამბები