ხვალ ჟოზე მოურინიოს დარიგებული რომა, სტუმრად სერია ა-ს მიმდინარე გათამაშების ლიდერ ნაპოლის სტუმრად დაუპირისპირდება. აღნიშნული შეხვედრის წინ გამართულ პრესკონფერენციაზე, პორტუგალიელმა სპეციალისტმა ნეაპოლელთა მცველ, კიმ მინ-ჯეზე ისაუბრა.

კიმ მინ-ჯეს შეძენა ტოტენჰემში ყოფნის დროს მინდოდა. ამის შესახებ კლუბის ხელმძღვანელებს ვაცნობე. მე კიმთან საუბარი რამდეჯნერმე მქონდა. მაშინ, ჩვენი შეთავაზება ხუთი მილიონი ევრო იყო, მაგრამ ფენერბაჰჩემ ათი მილიონი მოითხოვა.

ამ თანხის გადახდა კი იმ დროს ტოტენჰემისთვის შეუძლებელი იყო. ახლა კი შეხედეთ თუ რა დონეზეა კიმი. ის უმაღლესი დონის მოთამაშეა. რაც შეეხება ნაპოლის, მათ სკუდეტო ფაქტობრივად უკვე მოიგეს. სპალეტიმ დიდებული სამუშაო ჩაატარა და ამ გუნდის ფეხბურთელებისგან უდიდესი შედეგი მიიღო.

ვფიქრობ, დღეს ნეაპოლელებს პაულო დიბალას დონის მოთამაშე არ ჰყავთ, მაგრამ გუნდურად მუშაობენ. ხვალ საინტერესო შეხვედრა შედგება, სადაც ორივე გუნდი გამარჯვებისთვის იბრძოლებს.

აქვე მოგახსენებთ, რომ ნაპოლის 50 ქულა აქვს და ცხრილში პირველ ადგილს იკავებს. რომას აქტივში კი 37 ქულაა, რაც მეხუთე პოზიციის დასაკავებლადაა საკმარისი.

მოურინიო: "კიმ მინ-ჯეს შეძენა ტოტენჰემში ყოფნის დროს მინდოდა"

ჟოზე მოურინიომ ნაპოლის მცველზე ისაუბრა

ხვალ რომა ნაპოლის დაუპირისპირდება

უახლესი ამბები