არგენტინის ეროვნული ნაკრებისა და პარი სენ-ჟერმენის თავდამსხმელის, ლიონელ მესის მამამ, რომეიც ასევე მისი აგენტი გახლავთ, ესპანურ Sport-თან ლეოს ბარსელონაში შესაძლო დაბრუნებასთან დაკავშირებით კომენტარი გააკეთა.

არ ვფიქრობ, რომ ლეო ბარსელონაში დაბრუნდება. პირობები არ შესრულებულა. ჩვენ პრეზიდენტ ჟოან ლაპორტასთან არ გვისაუბრია. ბარსელონადან შემოთავაზებაც კი არ ყოფილა, - მესის მამის სიტყვებს ფაბრიციო რომანო ციტირებს.

შეგახსენებთ, რომ 15 თებერვალს პარი სენ-ჟერმენსა და ხორხე მესის შორის კონტრაქტის გახანგრძლივების თაობაზე შეხვედრა შედგა, თუმცა ამ ეტაპზე მხარეებმა შეთანხმებას ვერ მიაღწიეს და მოლაპარაკებების მორიგი რაუნდი რამდენიმე კვირაში უნდა გაიმართოს.

ლეო მესი პსჟ-ში 2021 წლის ზაფხულში, თავისუფალი აგენტის სტატუსით გადავიდა და კლუბთან მოქმედი კონტრაქტი მიმდინარე სეზონის დასრულების შემდეგ ეწურება.

მიმდინარე სეზონში არგენტინელმა სულერვარსკვლავმა პარიზელთა მაისურით 26 შეხვედრაში ითამაშა და მის აქტივში 15 გოლი და 14 შედეგიანი გადაცემაა.

ხორხე მესი: "არ ვფიქრობ, რომ ლეო ბარსელონაში დაბრუნდება"

ხორხე მესიმ თავისი შვილის მომავალზე ისაუბრა

უახლესი ამბები