რამდენიმე დღის წინ ცნობილი გახდა, რომ ნაპოლისა და საქართველოს ეროვნული ნაკრების შემტევი, ხვიჩა კვარაცხელია საქველმოქმედო აქციაში ჩაერთო. ვებ-გვერდზე socratessahada მისი ავტოგრაფიანი მაისური აუქციონზე იყიდებოდა. მიღებული თანხა კი თურქეთში მიწისძვრის შედეგად დაზარალებულებს მოხმარდება.

ხვიჩას 77-ნომრიანი მაისურის საწყისი ფასი აუქციონზე 20 000 ლირა გახლდათ. მსურველებს შეთავაზების განხორციელება ოთხი დღის განმავლობაში შეეძლოთ. აუქციონის დრო ამოიწურა და როგორც აღმოჩნდა, საბოლოოდ აღნიშნული მაისური 100 000 ლირად გაიყიდა, რაც დაახლოებით 5300 დოლარი გახლავთ.

აქვე მოგახსენებთ, რომ socratessahada-ზე კვარაცხელიას გარდა, სხვა ცნობილი სპორტსმენების ავტოგრაფიანი მაისურები იყიდება. მათ შორის ჯოელ ემბიდის, ლუკაშ პოდოლსკის, დიდიე დროგბას, ვიქტორ ოსიმენის, ელიფ ელმასის, ილკაი გიუნდოგანის და ა.შ.

კვარაცხელიას მაისური აუქციონზე 100 000 ლირად გაიყიდა

ხვიჩა თურქეთში დაზარალებულებს ეხმარება

უახლესი ამბები