რამდენიმე კვირის წინ, მედიაში ნაპოლისა და საქართველოს ეროვნული ნაკრების ახალგაზრდა შემტევის, ხვიჩა კვარაცხელიას აგენტის კომენტარი გავრცელდა, სადაც მან განაცხადა, რომ იტალიურ კლუბს კონტრაქტის გახანგრძლივების საკითხზე ჯერჯერობით ოფიციალურად არ მიუმართავს. პარალელურად კი იტალიური გამოცემები აქტიურად იტყობინებოდნენ, რომ ნეაპოლელები კვარაცხელიასთვის ახალ ხელშეკრულებას ამზადებდნენ, რომლის მიხედვითაც ქართველი მოთამაშე ნაპოლიში 2028 წლამდე უნდა დარჩეს, ხოლო არსებული ანაზღაურება გაუორმაგდება.

ამჟამად Calcionapoli24 წერს, რომ ხვიჩა ხელშეკრულებას აუცილებლად გაახანგრძლივებს და ეს მხოლოდ დროის საკითხია. მეტიც, ხსენებულ გამოცემას თუ დავუჯერებთ, ნაპოლიმ 22 წლის მოთამაშისგან ამ საკითხზე თანხმობა უკვე მიიღო.

ახალ ხელშეკრულებაში მოთამაშის გამოსასყიდი თანხა არ ჩაიწერება. როგორც ირკვევა, ეს კლუბის პრეზიდენტის, აურელიო დე ლაურენტისის სურვილია, რადგან მიიჩნევს, რომ სამომავლოდ მოლაპარაკებების დროს ხელთ სერიოზული ბერკეტი ექნება. ივარაუდება, რომ საბოლოო შეთანხმებამდე მხარეები გაზაფხულის მიწურულს მივლენ. ბონუსების ჩათვლით კი ხვიჩა კვარაცხელიას ანაზღაურება წელიწადში დაახლოებით 2.8-3 მილიონ ევრომდე იქნება.

Calcionapoli: "კვარაცხელია კონტრაქტს გაახანგრძლივებს, ეს მხოლოდ დროის საკითხია"

ნაპოლი ხვიჩასთან ახალ კონტრაქტს გააფორმებს

უახლესი ამბები