23 აპრილს, საფეხბურთო კლუბი იუვენტუსი საკუთარ კედლებში ნაპოლის უმასპინძლებს. „ბიანკონერიმ“ სასამართლო დავა მოიგო და ჩამორთმეული 15 ქულა დაუბრუნა, რაც მათ მოტივაციას კიდევ უფრო ზრდის.

მატჩამდე მედიასთან დე შილიომ ისაუბრა და ძირითადად კვარას შეჩერებაზე გააკეთა აქცენტი:

ვფიქრობ, კვარაცხელიას მსგავსი მოთამაშის შეზღუდვა შესაძლებელია მისთვის, რაც შეიძლება ნაკლები სივრცის მიცემით. ცხადია, ის გადამწყვეტია, როდესაც წინ ღია სივრცეებს პოულობს და სივრცეებს აძლევენ ფინტებისთვის ან დარტყმისთვის.

მის წინააღმდეგ კარგად თამაში დაგვჭირდება, შესაძლოა, ორმაგი მეურვეობითაც. ნაპოლისთან პირველ თამაშში მარცხი ჩვენთვის საკმაოდ მძიმე იყო სიამაყის გამოც, უნდა დავამტკიცოთ, რომ ის ჩვენთვის უბრალოდ ცუდი საღამო იყო.

3 ქულის გარდა, რომელიც ჩვენთვის ძალიან მნიშვნელოვანია, ზუსტად ამ სიამაყის გამო უნდა ვითამაშოთ. ეს არის მატჩი, რომელშიც შურისძიების შესაძლებლობა გვაქვს, - თქვა მან.

შეგახსენებთ, ნაპოლი სერია ა-ს ცხრილში პირველ ადგილზე იმყოფება. აღნიშნული დაპირისპირება კი, თბილისის დროით, 22:45 საათზე დაიწყება.

დე შილიო: „კვარაცხელიას ნაკლები სივრცე უნდა მივცეთ“

იუვენტუსი ნაპოლის ხვდება

უახლესი ამბები