ზლატან იბრაჰიმოვიჩი მიმდინარე სეზონის ბოლოს, მილანს თავისუფალი აგენტის სტატუსით დატოვებს. ინფორმაცია, ცოტა ხნის წინ, ოფიციალურად დადასტურდა.

შვედ სუპერვარსკვლავს მიმდინარე სეზონში ტრავმის გამო საკმაოდ დიდი დრო გაუცდა და უტრავმოდაც, ბევრი სათამაშო არ ეძლეოდა. შესაბამისად, 41 წლის თავდამსხმელი და "როსონერი" შეთანხმდნენ, რომ ახალი კონტრაქტი აღარ გაფორმდებოდა.

[html]

🚨 Monza are in talks to sign Zlatan Ibrahimovic, who will become a free agent this summer. 🇸🇪💫

Both parties are optimistic a deal can be done. ✅

(Source: @Santi_J_FM) pic.twitter.com/YOvg4X173L
— Transfer News Live (@DeadlineDayLive) May 4, 2023

[/html]

როგორც Foot Mercato-ს ჟურნალისტი, სანტ აოუნა წერს, ზლატან იბრაჰიმოვიჩი მოლაპარაკებებს მონცასთან აწარმოებს. სილვიო ბერლუსკონის გუნდმა, ცოტა ხნის წინ, სერია ა-ში ადგილი შეინარჩუნა და ახალ სეზონსაც უმაღლეს დივიზიონში დაიწყებს.

აღნიშნული წყაროს ცნობით, მოლაპარაკებების საწყისი ეტაპი საკმაოდ კარგად წარიმართა და მხარეები შეთანხმებასთან ახლოს არიან. შესაბამისად, დიდი შანსია, შვედმა ვარსკვლავმა ახალი სეზონი მონცაში დაიწყოს.

რაც შეეხება ზლატან იბრაჰიმოვიჩის მილანურ კარიერას, ის "როსონერიში" 2010-2012 და 2020-2023 წლებში თამაშობდა. მან კლუბის მაისურით ჩატარებულ 163 მატჩში, 93 გოლი და 35 საგოლე გადაცემა მიითვალა. ზლატან იბრაჰიმოვიჩმა მილანთან ერთად, ორჯერ სერია ა-ს მოგება მოახერხა.

ზლატან იბაჰიმოვიჩი იტალიურ კლუბთან მოლაპარაკებებს აწარმოებს

ზლატან იბრაჰიმოვიჩი მილანს თავისუფალი აგენტის სტატუსით დატოვებს

უახლესი ამბები