სერია ა-ს 33-ე ტურში ნაპოლი უდინეზეს სტუმრად დაუპირისპირდა და ფრედ, 1-1 ითამაშა. ნეაპოლელებს ამ თამაშში ქულაც კი ჰყოფნიდათ იმისათვის, რომ ისტორიაში მესამე ჩემპიონის ტიტული ეზეიმათ.

ნაპოლიმ კლუბის ისტორიაში იტალიის ჩემპიონობა მესამედ იზეიმა და 33-წლიანი ლოდინის შემდეგ, ტრიუმფს ხვიჩა კვარაცხელიასთან ერთად მიაღწია.

ქართველ ვარსკვლავზე თითქმის ყველა გავლენიანი მედია საშუალება წერს და ამ მხრივ სხვებს არც ფრანგული გამოცემა, RMC Sport ჩამორჩა:

როდესაც ხვიჩა კვარაცხელია გასულ წელს ნაპოლიმ გაიფორმა, ის საზოგადოებისთვის უცნობი ფეხბურთელი იყო. კვარაცხელია, თავისი საოცარი დრიბლინგით, მეტოქის მცველების აცეკვებას ახერხებს. 22 წლის ბიჭმა თავისი ელეგანტური თამაშით, ნაპოლის მალევე დაავიწყა კაპიტანი, ლორენცო ინსინიე, რომელიც გასულ ზაფხულს სათამაშოდ კანადაში წავიდა.

ნაპოლის ფეხბურთელის ანგარიშზე, რომელიც ნაკრებში მისმა მწვრთნელმა, ვილი სანიოლმა ფრანკ რიბერის შეადარა, მიმდინარე ჩემპიონატში, 12 გოლი და 10 საგოლე გადაცემაა. ის მადრიდის რეალსაც დაუკავშირეს, მაგრამ ნაკლებად სავარაუდოა ნაპოლიმ წასვლის ნება დართოს, რაზეც კლუბის მხრიდან, მისი ხელფასის გაორმაგების სურვილიც მეტყველებს.

[html]

🔵 Après la superbe saison du Napoli, plusieurs joueurs vont être extrêmement courtisés cet été. https://t.co/2YTzVkq6lP
— RMC Sport (@RMCsport) May 5, 2023

[/html]

კროკო ნაპოლის რეგიონალური პარტნიორია

RMC Sport: ფეხბურთელმა, რომელიც რიბერის შეადარეს, ნაპოლის კაპიტანი დაავიწყა

საზოგადოებისთვის ერთ დროს უცნობი ფეხბურთელი, დღეს ნეაპოლელთა გმირია

უახლესი ამბები