უელსის ეროვნული ნაკრების, მადრიდის რეალისა და ტოტენჰემის შემტევის, გარეთ ბეილის აგენტმა მისი კლიენტის მიმართ რექსჰემის ინტერესზე ისაუბრა და აღნიშნა, რომ გარეთს ფეხბურთის თამაში აღარ სურს და ამ ეტაპზე ცხოვრებაში სხვა ინტერესები აქვს.

ვფიქრობ, რომ გარეთმა კარიერა შესაფერის მომენტში დაასრულა. მან ყველაფერს მიაღწია, რისი სურვილიც ჰქონდა. ეროვნულ ნაკრებთან ერთად უმაღლეს დონეზე ითამაშა და მსოფლიო ჩემპიონატზე იასპარეზა. ეს არის, რისი კეთებაც მას სურდა და კარგად ესმოდა, რომ მისი ორგანიზმი ბევრს ვეღარ აიტანდა. ბოლო წლებში ბევრი სირთულის გადატანა მოუხდა.

მას შესანიშნავი კარიერა ჰქონდა, ყველაფერი მოიგო და ცხოვრებით ტკბებოდა. ახლა კი ოჯახთან ერთად არის, შვილებთან ბევრ დროს ატარებს და ეს სწორედ ის არის, რისი კეთებაც სურს.

რა თქმა უნდა, მომავალში სხვა რაღაცებითაც დაკავდება, მაგრამ ამ ეტაპზე მას ცხოვებისგან სიამოვნების მიღება სურს. გარეთს ფეხბურთის თამაში აღარ სურს. შესაძლოა მათ მასთან ჰქონდათ კონტაქტი, მაგრამ პირადად მე არავინ დამკავშირებია, - ჯონათან ბარნეტის სიტყვებს ESPN ციტირებს.

შეგახსენებთ, რომ უელსელმა ფეხბურთელმა კარიერა 33 წლის ასაკში, მიმდინარე წლის 9 იანვარს დაასრულა. მას შემდეგ კი, რაც რექსჰემი ინგლისის მეოთხე დივიზიონში დაწინაურდა, კლუბის თანამფლობელებმა, რობ რეინოლდსმა და რობ მაკენჰელიმ ბეილის კლუბში მიწვევა სცადეს.

აგენტი: "გარეთს ფეხბურთის თამაში აღარ სურს"

ბეილის დამატებით რექსჰემი ინტერესდება

უახლესი ამბები