ინგლისის პრემიერლიგის 2022-23 წლების გათამაშება ხვალ, ბოლო ტურის შეხვედრებით დასრულდება. რამდენიმე დღის წინ კი ოფიციალურად გახდა ცნობილი, რომ მანჩესტერ სიტი ზედიზედ მესამედ ჩემპიონი გახდა.

ახლახანს, პრემიერლიგის ოფიციალურმა გვერდმა გაავრცელა ინფორმაცია, საიდანაც ირკვევა, რომ სეზონის საუკეთესო ფეხბურთელად გულშემატკივრების გამოკითხვის შედეგად, ნორვეგიელი თავდამსხმელი - ერლინგ ჰალანდი დასახელდა. მისი უმთავრესი კონკურენტი კი ამ ნომინაციაში მისივე თანაგუნდელი - კევინ დე ბრუინი გახლდათ.

შეგახსენებთ, რომ ჰალანდი მანჩესტერ სიტიში სადებიუტო სეზონს ატარებს და პირველივე წელს, მან პრემიერლიგაში სარეკორდო მაჩვენებელი დააფიქსირა. 35 მატჩში, ერლინგმა 36 გოლი გაიტანა და აქტივში რვა საგოლე გადაცემაც მიითვალა.

ყველა ტურნირზე ერთად კი მან 51 შეხვედრაში მეტოქეთა კარი 52 ჯერ აიღო და ცხრაჯერ თანაგუნდელებს გაატანინა. მან უკვე მოიგო პრემიერლიგა და წინ ორი ფინალი ელოდება - ინგლისის ასოციაციის თასისა და ჩემპიონთა ლიგის.

It had to be him!@ErlingHaaland is your @EASPORTSFIFA Player of the Season 🤩#PLAwards | @ManCity pic.twitter.com/MxI9cpE8QX
— Premier League (@premierleague) May 27, 2023

პრემიერლიგის სეზონის საუკეთესო ფეხბურთელის ვინაობა ცნობილია

ერლინგ ჰალანდი საუკეთესოდ დაასახელეს

უახლესი ამბები