გუშინ ოფიციალურად დადასტუდა, რომ 27 წლის ესპანელი შემტევი, მარკო ასენსიო მადრიდის რეალთან კონტრაქტს არ ახანგრძლივებს და კლუბს ტოვებს. ვრცელდებოდა ინფორმაცია, რომ დიდი ალბათობით, ის კარიერას პსჟ-ში გააგრძელებდა.

ფაბრიციო რომანოს ინფორმაციით, ფეხბურთელსა და საფრანგეთის ჩემპიონებს შორის, ამ საკითხზე სიტყვიერი შეთანხმება უკვე მიღწეულია და სავარაუდოდ, მომდევნო კვირას ტრანსფერი ოფიციალურად დადასტურდება.

როგორც ირკვევა, ასენსიო პარიზელებთან ხელშეკრულებას 2027 წლამდე გააფორმებს, ხოლო მისი ანაზღაურება წელიწადში დაახლოებით 10 მილიონი ევრო იქნება. ცნობილია, რომ მარკოს დამატება ინგლისის პრემიერლიგიდან ასტონ ვილას, ხოლო იტალიის სერია ა-დან მილანს სურდა, თუმცა ფეხბურთელმა არჩევანი პსჟ-ზე შეაჩერა.

აქვე მოგახსენებთ, რომ უკვე ოფიციალურად დადასტურებული ინფორმაციით, მიმდინარე წლის ზაფხულში რეალს ედენ აზარი და კარიმ ბენზემაც დატოვებენ.

ასენსიო პსჟ-ში | კონტრაქტის დეტალები ცნობილია

რამდენიმე დღეში, პსჟ ასენსიოს ტრანსფერს დაადასტურებს

უახლესი ამბები