საფრანგეთში მიმდინარე ქალთა მსოფლიო ჩემპიონატი ნელ-ნელა დასასრულს უახლოვდება.

2 ივლისს, ლიონის საშინაო სტადიონზე, "პარკ ოლიმპიკზე", პირველი ნახევარფინალური მატჩი გაიმართა, სადაც ერთმანეთს ინგლისისა და ამერიკის შეერთებული შტატების ნაკრები გუნდები დაუპირისპირდნენ.

მოქმედი მსოფლიო ჩემპიონი, აშშ-ის ქალთა ნაკრები ტიტულის დაცვას განაგრძობს და 7 ივლისს, ფინალში ზედიზედ მესამედ ითამაშებს ითამაშებს.

ამერიკელებმა ინგლისს ნახევარფინალში ანგარიშით 2:1 სძლიეს. ანგარიში მეათე წუთზე კრისტენ პრესმა გახსნა, თუმცა ელენ უაითმა მეცხრამეტე წუთზე გაათანაბრა და დრამატული თამაში კიდევ უფრო დაძაბა. მატჩის ბედი კი 31-ე წუთზე, ალექს მორგანის გოლმა გადაწყვიტა.

აშშ-ის მეტოქე ფინალში ჰოლანდიასა და შვედეთს შორის გამარჯვებული იქნება.

მეორე ნახევარფინალური მატჩი შვედეთსა და ჰოლანდიას შორის 3 ივლისს, თბილისის დროით 23:00 საათზე გაიმართება.

ფინალურ შეხვედრას კი 7 ივლისს, თბილისის დროით 19:00 საათზე "პარკ ოლიმპიკზე" უმასპინძლებს.

ამერიკის ქალთა გუნდი მსოფლიო ჩემპიონატის ფინალშია

უახლესი ამბები