ბექა მიქელთაძე გუანგჯუში ითამაშებს. ინფორმაცია სამხრეთკორეული კლუბის ოფიციალურმა გვერდმა დაადასტურა. ამ დროისთვის კონტრაქტის ხანგრძლივობა უცნობია. ქართველი თავდამსხმელი ახალ კლუბში 99-ნომრიანი მაისურით ითამაშებს.

მიქელთაძე მეორე ქართველი ფეხბურთელია, რომელიც სამხრეთ კორეის ჩემპიონატში ითამაშებს. შეგახსენებთ, რომ ვაკო ყაზაიშვილი ულსანში ასპარეზობს.

ბექა მიქელთაძე ბოლოს ავსტრალიურ ნიუკასლ ჯეტსში თამაშობდა, სადაც ის 2021 წელს მივიდა. ავსტრალიური კლუბის მაისურით მან, 50 მატჩი ჩაატარა და 19 გოლი მიითვალა.

ბექა მიქელთაძე ნიუკასლ ჯეტსამდე სხვადასხვა დროს, დინამო თბილისში, რუსთავში, ანორთოსისში, რუბინში, როტორსა და ქსანთიში თამაშობდა.

რაც შეეხება ბექას ახალ კლუბს, სამხრეთ კორეის 12-გუნდიან ჩემპიონატში, 18 ტურის შემდეგ, გუანგჯუ 25 ქულით მერვე ადგილს იკავებს.

ბექა მიქელთაძე აზიურ კლუბში ითამაშებს

ბექა მიქელთაძე ახალ კლუბში 99-ნომრიანი მაისურით ითამაშებს

უახლესი ამბები