დღეს "დინამო არენაზე" ჩემპიონთა ლიგის პირველი საკვალიფიკაციო ეტაპის საპასუხო მატჩი გაიმართა, სადაც დინამო თბილისი ასტანას დაუპირისპირდა და 2:1 დამარცხდა. მომდევნო ეტაპზე ყაზახური გუნდი გავიდა, ხოლო საქართველოს ჩემპიონი კონფერენს ლიგაზე მოსახვედრად იბრძოლებს.

მატჩის დასრულების შემდეგ, მედიასთან კომენტარები როგორც დინამოს თავკაცმა, ასევე ფეხბურთელებმაც გააკეთეს.

სიგუა:

ეს არ იყო ჩვენი გუნდის მაქსიმუმი. ვფიქრობ, რომ საკმაოდ კარგი თამაში ვაჩვენეთ. მეტოქეს დღევანდელ შეხვედრაში ორჯერ აღვემატებოდით. მათზე ბევრად უკეთესები ვიყავით და გამარჯვებას ვიმსახურებდით.

მომენტები და ბურთის ფლობა აშკარად ჩვენს მხარეს იყო. ეს თამაში არ უნდა წაგვეგო. ჩემს გამოცდებზე ყოფნას, არანაირი გავლენა არ მოუხდენია. თამაშზე მოტივირებული მოვედი.

დღეს წავაგეთ, მაგრამ კონფერენს ლიგის მატჩებში უფრო მეტს უნდა ველოდოთ. საჭიროა უკეთ მოვემზადოთ და ორივე თამაშის მოგება შევძლოთ.

სხირტლაძე:

რაც არ უნდა სამწუხარო იყოს, დღეს წავაგეთ და ჩემპიონთა ლიგის ტურნირი დავტოვეთ. ახლა უკვე უნდა ვფოკუსირდეთ კონფერენს ლიგაზე. კარგი თამაში ვაჩვენეთ, მაგრამ შედეგი ძალიან სამწუხაროა. მეორე ტაიმში ჩაგდებული სამი წუთს გამო, დავთმეთ მთლიანი თამაში, თუმცა ახლა ამ შოკიდან მალე უნდა გამოვიდეთ და შემდეგ მატჩზე გადავერთოთ.

კონფერენს ლიგა სხვა ტურნირია, მაგრამ მასაც თავისი სპეციფიკა აქვს. იქაც იგივე პლეი ოფის სისტემაა და ორივე მატჩში ბოლომდე უნდა დავიხარჯოთ.

ასტანასთან გამართულ თამაშებში გამოჩნდა, რომ 5-10 წუთის დათმობამ, შესაძლოა მთელი შეხვედრის სურათი შეცვალოს. ამ წაგების შემდეგ, ჩვენს გასახდელში იყო გულგატეხილობა, მაგრამ ეს ფეხბურთის ნაწილია, ამას უნდა გადავაბიჯოთ და მოვემზადოთ მომდევნო გამოსვლისთვის.

ფოტო: დინამო თბილისი

სიგუა: "ბევრად უკეთესები ვიყავით და გამარჯვებას ვიმსახურებდით"

თბილისის დინამომ ასტანას ბარიერი ვერ დაძლია

უახლესი ამბები