20 ივლისს ნაპოლიმ პირველი წინასასეზონი მატჩი ჩაატარა, სადაც ანაუნე 6-1 დაამარცხა. ამ მატჩმა ხვიჩა კვარაცხელიას, ვიქტორ ოსიმენის, ამირ რაჰმანის, ელიფ ელმასის, ლობოტკასა და მერეტის გარეშე ჩაიარა. ეს ფეხბურთელები გუნდს რამდენიმე დღის წინ დაუბრუნდნენ და შესაბამისად, სათამაშოდ მზად არ იყვნენ.

ნეაპოლელთა ახალი მთავარი მწვრთნელი, რუდი გარსია თავისი გუნდის პირველი ამხანაგური შეხვედრით კმაყოფილი დარჩა. მისი თქმით, ფეხბურთელები საქმეს სერიოზულად მიუდგნენ და სწორი დამოკიდებულებაც აჩვენეს:

ეს ჩვენი პირველი მატჩი იყო. ჩემი ფეხბურთელები საქმეს სერიოზულად მიუდგნენ. ისინი ძალიან დაიღალნენ და მზად მხოლოდ 45 წუთის თამაშისთვის იყვნენ.

ყველა ამ ფეხბურთელის დამოკიდებულება მომწონს. მიხარია, რომ გოლების გატანა მოვახერხეთ და რაც ყველაზე მნიშვნელოვანია, ამ შეხვედრამ უტრავმოდ ჩაიარა.

რაც შეეხება ვიქტორ ოსიმენს, ვხედავ, რომ მას დარჩენა სურს, რაც რა თქმა უნდა, ჩვენი სურვილიცაა. ჩანს, რომ ბედნიერია და თუ ასეა, მაშინ მას ეს სეზონიც კარგი ექნება.

[html]

L'AGENTE - Damiani: "C'è fiducia per il rinnovo di Osimhen, avrà riconoscenza per ADL e per Napoli, Garcia è molto preparato" https://t.co/OAAjmHjbeb
— Napoli Magazine (@napolimagazine) July 21, 2023

[/html]

რუდი გარსია: „ვხედავ, რომ ის ჩვენთან ბედნიერია“

ნაპოლიმ პირველი ამხანაგური მატჩი გამართა

უახლესი ამბები