საფრანგეთს ლიგა 1–ის მეორე ტურში, მეცმა მარსელს უმასპინძლა და ქულა მოიპოვა. გუნდებმა უხვგოლიანი ფრე – 2:2 დააფიქსირეს. ერთ–ერთი გატანილი გოლის ავტორი ქართველი შემტევი, გიორგი მიქაუტაძე გახდა. პირველ ტურში მეცი რენთან 5:1 განადგურდა. იმ შეხვედრაში ახალგაზრდა ქართველმა საგოლე გადაცემა შეასრულა.

მასპინძელთა რუმინელმა თავკაცმა, ლასლო ბოლონიმ გიორგის შესახებ ისაუბრა:

მიქაუტაძისა და მაზიზის დუეტი გასულ სეზონში ბრწყინვალე იყო. ჩვენს წარმატებაში მათ დიდი წვლილი შეიტანეს. გიორგი ლიგა 2–ის საუკეთესო ფეხბურთელთან ერთად, ბომბარდირიც გახდა და ეს ბევრ რამეზე მეტყველებს.

როდესაც მიქაუტაძე ბურთს იღებს, მისგან ყოველთვის რაიმე საინტერესოს ველოდები. ის ძალიან თავდაჯერებულია და ეს ბევრ რამეში ეხმარება. მეშინია, რომ დადგება დღე, როდესაც მისი გაშვება მომიწევს. თუ მიქაუტაძე მეციდან წავა, ჩემი სულის ნაწილსაც წაიღებს.

მესამე ტურის შეხვედრას მეცი 27 აგვისტოს სტუმრად გამართავს და ქულების მოპოვებას კლერმონის წინააღმდეგ შეეცდება.

ლასლო ბოლონი: "თუ მიქაუტაძე მეციდან წავა, ჩემი სულის ნაწილსაც წაიღებს"

მეცის მწვრთნელმა მიქაუტაძე შეაქო

უახლესი ამბები