ლონდონის არსენალის შემტევი ნახევარმცველი, ბუკაიო საკა ინგლისის ნაკრებში 2023 წლის საუკეთესო ფეხბურთელად დაასახელეს.

22 წლის სპორტსმენმა აღნიშნული ჯილდო ზედიზედ მეორედ მოიგო. "მეთოფეთა" შემტევმა, გულშემატკივართა გამოკითხვაში, მადრიდის რეალის ნახევარმცველს, ჯუდ ბელინგემსა და მიუნხენის ბაიერნის თავდამსხმელს, ჰარი კეინს აჯობა.

ბოლო ერთი წლის განმავლობაში საკამ ეროვნული გუნდის მაისურით ათი შეხვედრა ჩაატარა და შვიდი გოლი გაიტანა. 2022 წლის მუინდიალის ფარგლებში კი მან ნაკრების ხუთი მატჩიდან ოთხში მიიღო მონაწილეობა. ხოლო, ირანთან შეხვედრაში ის მატჩის საუკეთესო მოთამაშედ იქნა დასახელებული.

შეგახსენებთ, რომ რამდენიმე დღის წინ, ბუკაიო ინგლისის პრემიერლიგის 2022/23 წლების სეზონის საუკეთესო ახალგაზრდა ფეხბურთელად იქნა დასახელებული. ეროვნულ გუნდში კი საკა 2020 წლიდან თამაშობს და 28 მატჩში 11 გოლი აქვს გატანილი.

აქვე გეტყვით, რომ მიმდინარე თვეში ინგლისის ნაკრები ევროპის ჩემპიონატის შესარჩევი ეტაპის ეგიდით ერთ მატჩს გამართავს და 9 სექტემბერს უკრაინის ნაკრებს სტუმრად (ვროცლავი, პოლონეთი) დაუპირისპირდება.

[html]

Bukayo Saka has won England's Player of the Year award for the second year in a row 🌟👏 pic.twitter.com/OQy3ks2Jn5
— ESPN UK (@ESPNUK) September 5, 2023

[/html]

საკა ინგლისის ნაკრების საუკეთესო ფეხბურთელია

საკამ ჯილდო ზედიზედ მეორედ მოიგო

უახლესი ამბები