დღეს 22:45 საათზე ჩრდ.მაკედონიის ნაკრებო იტალიას ევროპის ჩემპიონატის საკვალიფიკაციო ეტაპის ეგიდით უმასპინძლებს. ამ შეხვედრაში "სკუადრა აძურას" თავკაცის რანგში პირველად წარსდგება ლუჩანო სპალეტი, რომელმაც გასულ სეზონში ნაპოლის სკუდეტო 33-წლიანი პაუზის შემდეგ მოაგებინა და გუნდი დატოვა. შეგახსენებთ, რომ სპალეტიმ რობერტო მანჩინი ჩაანაცვლა.

იტალია ამ შესარჩევ ციკლში C ჯგუფში გამოდის, სადაც მას კონკურენციას ზემოთხსენებული ჩრდ.მაკედონიის გარდა ინგლისი, უკრაინა და მალტა უწევენ. ორი ტურის შემდეგ, იტალიელთა აქტივში სამი ქულა ფიქსირდება.

ლუჩანო სპალეტი:

კარგი სტარტი ძალიან მნიშვნელოვანია. ჩემთვის, როგორც მწვრთნელისთვის პირველი შეხვედრა პასუხს ბევრ კითხვაზე გასცემს. ვიცი, რომ ამ გუნდს დიდი რესურსი აქვს და მე ყველაფერს გავაკეთებ იმისთვის, რომ ის სწორად განვკარგო.

მესმის, რომ გულშემატკივრებს დიდი მოლოდინი აქვთ და ვგრძნობ პასუხისმგებლობას, რომელსაც მაქსიმალური ყურადღებით ვეკიდები. ახალი სეზონი ახლახანს დაიწყო და მესმის, რომ შესაძლოა, ზოგიერთი ფეხბურთელი სასურველ ფორმაში ჯერაც არ იყოს, მაგრამ როდესაც ეროვნულ ნაკრებში თამაშობ, შენ საკუთარ თავს უნდა აჯობო.

ჩრდ.მაკედონიასთან დაპირისპირება მარტივი არ იქნება. ამ გუნდს სერიოზული პრობლემების შექმნა შეუძლია, მაგრამ თუ ჩვენ ორგანიზებულ თამაშს ვაჩვენებთ, მჯერა, რომ სასურველ შედეგს დავაფიქსირებთ.

სპალეტი: "კარგი სტარტი ძალიან მნიშვნელოვანია"

ლუჩანო სპალეტი იტალიის ნაკრებს დღეს პირველად უხელმძღვანელებს

უახლესი ამბები