ესპანეთის ლა ლიგის მეხუთე ტურის ეგიდით, კატალონიის ბარსელონამ ლუის კამპოსის სახელობის მონჟუიკის ოლიმპიურ სტადიონზე რეალ ბეტისს უმასპინძლა და მეტოქეს ხუთი უპასუხო გოლი გაუტანა.

ჟოაუ ფელიქსმა "ლურჯ-ბროწეულისფერთა" მაისურით სადებიუტო გოლი გაიტანა და თავისი გუნდი 24-ე წუთზე დააწინაურა. მის გარდა კი თავი რობერტ ლევანდოვსკიმ, ფერან ტორესმა, რაფინიამ და ჟოაუ კანსელუმ გამოიჩინეს.

გარკვეული პერიოდის შემდეგ, ძირითად შემადგენლობაში თამაშით გახარებული ვარ. ძალიან სასიამოვნო შეგრძნებაა. ამ გუნდში თამაში მარტივია. როდესაც სისტემა დალაგებულია, ბურთი უფრო სწრაფად მოძრაობს და გოლები გადის.

ვმუშაობ, რომ ჩემი თისებები მაქსიმალურად გამოვავლინო. გუნდში შესანიშნავი ატმოსფეროა. ბედნიერი ვარ. ცვლილებებმა ჩემზე, ოჯახსა და მეგობრებზე დადებითად იმოქმედა, - ფელიქსის სიტყვებს AS ციტირებს.

შეგახსენებთ, რომ ბარსელონამ პორტუგალიელი ნახევარმცველი მადრიდის ატლეტიკოდან ერთწლიანი იჯარით დაიმატა. კატალონიურ კლუბს სეზონის დასრულების შემდეგ, ფეხბურთელის გამოსყიდვის უფლება არ აქვს.

აქვე გეტყვით, რომ კატალონიელები მომდევნო მატჩს უკვე უეფას ჩემპიონთა ლიგის ეგიდით გამართავენ და ჯგუფური ეტაპის პირველ ტურში ბელგიურ ანტვერპენს 19 სექტემბერს უმაპსინძლებენ.

ფელიქსი: "ასეთ გუნდში თამაში მარტივია"

ბარსელონამ ბეტისი 5-0 დაამარცხა

ფელიქსმა სადებიუტო გოლი გაიტანა

უახლესი ამბები