პარი სენ-ჟერმენის რამდენიმე ფეხბურთელი, შესაძლოა, მარსელის მიმართ შეურაცხმყოფელი შეძახილების გამო, დისკვალიფიკაციით დაისაჯოს.

ლიგა 1-ის მე-6 ტურის მატჩის შემდეგ, რომელიც პსჟ-მ 4-0 მოიგო, პარიზული კლუბის თავდამსხმელი რანდალ კოლო მუანი, შემტევი უსმან დემბელე და მცველები, აშრაფ ჰაკიმი და ლეივინ კურზავა გულშემატკივრებთან ერთად, მარსელის მიმართ შეურაცხმყოფელ შეძახილებს სკანდირებდნენ.

საფინალო სასტვენის შემდეგ, ფეხბურთელები ულტრასებთან მივიდნენ. ნახევარმცველმა უორენ ზაირ-ემერიმ მეგაფონი აიღო და გულშემატკივრებთან ერთად სკანდირებდა. მართალია, მისი მხრიდან შეურაცხმყოფელი არაფერი სმოდა, თუმცა გავრცელებულ ვიდეოში მოხვდა მომენტი, სადაც ჩანს, რომ კოლო მუანი, დემბელე, ჰაკიმი და კურზავა "Marsellais, unique ta mère"-ს სკანდირებდნენ, რაც ითარგმნება, როგორც "მარსელელებო, დედათქვენები გა***ეთ".

[html]

CETTE IMAGE 😍

Quelle communion entre les joueurs du #PSG, les supporters et … les jeunes ramasseurs de balles. C’est beau !#PSGOM pic.twitter.com/gdHKSYQ4nJ
— Free Ligue 1 (@FreeLigue1) September 24, 2023

[/html]

Le Parisien-ის ცნობით, აღნიშნულ ფაქტთან დაკავშირებით ლიგა 1 საქმეს აღძრავს და ვიდეოჩანაწერს შეისწავლი. იმ შემთხვევაში თუ დამტკიცდა, რომ პსჟ-ის ფეხბურთელები ზემოხსენებულ ტერმის სკანდირებდნენ, ამშინ მათ სასჯელი დაემუქრებათ. შესაძლო სასჯელი კი დისკვალიფიკაცია იქნება.

2011 წელს, მარსელის მცველი, ტაიე ტაივო მონპელიესთან მოგებული მატჩის შემდეგ, ერთმატჩიანი დისკვალიფიკაციით შეურაცხმყოფელი შეძახილის გამო დასაჯეს, რომელიც პარი სენ-ჟერმენის მისამართით გამოიყენა.

პსჟ-ს ოთხ ფეხბურთელს დისკვალიფიკაცია ემუქრება

პსჟ-ს ფეხბურთელებს ბრალი მარსელის შეურაცხყოფაში ედებათ

უახლესი ამბები