უცხოურ მედიაში გავრცელდა ინფორმაცია, რომ ალ ჰილალის ბრაზილიელ შემტევ, ნეიმარს გუნდის მთავარ მწვრთნელ, ჟორჟე ჟესუსთან უთანხმოება ჰქონდა და სწორედ ამიტომ, ბრაზილიელმა კლუბის ხელმძღვანელებს მოსთხოვა, რომ მწვრთნელი გაეთავისუფლებინათ, ხოლო მის შემცვლელად ახალი სპეციალისტის ძებნა დაეწყოთ.

სხვადასხვა გამოცემები იტყობინებოდნენ, რომ ჟორჟე ჟესუსმა ნეიმარს შენიშვნა საჯაროდ, სხვა მოთამაშეების თანდასწრებით მისცა და ისიც სწორედ ამის გამო გაღიზიანდა, თუმცა მოგვიანებით ფეხბურთელმა ეს ყოველივე უარყო და მედიაში გავრცელებულ ინფორმაციას ჭორი უწოდა.

ნეიმარი:

ტყუილია, რომ მე კლუბის ხელმძღვანელებს მწვრთნელის დათხოვნა ვთხოვე. ეს ცრუ ინფორმაციაა. გვერდებს, რომლებიც ასეთ სტატიებს აქვეყნებენ, მილიონობით გამომწერი ჰყავთ. მათ უნდა შეწყვიტონ არასწორი ინფორმაციების გავრცელება და საზოგადოების შეცდომაში შეყვანა.

გთხოვთ, რომ შეაჩეროთ ეს, რადგან მსგავსი ქმედება დიდი უპატივცემულობაა. ყალბი ამბების გამოქვეყნებით კი სხვებს დიდ ზიანს აყენებთ.

შეგახსენებთ, რომ 31 წლის ნეიმარი პსჟ-დან ალ ჰილალში გასულ ზაფხულს გადავიდა. საუდურმა კლუბმა მის სანაცვლოდ 90 მილიონი ევრო გადაიხადა. ახალ გუნდში კი ბრაზილიელმა სამი მატჩი გამართა და ორი საგოლე გადაცემა შეასრულა.

ნეიმარი: "ეს ცრუ ინფორმაციაა"

ნეიმარმა მედიაში გავრცელებულ ინფორმაციას ჭორი უწოდა

უახლესი ამბები