უკანასკნელ პერიოდში უცხოური გამოცემები აქტიურად იუწყებიან, რომ ლიონელ მესი ინტერ მაიამის დატოვების შემდეგ, კარიერას არ დაასრულებს და მას გადაწყვეტილი აქვს, რომ მისი მომავალი კლუბი არგენტინული ნიუელს ოლდ ბოისი იყოს, რომელიც მან 13 წლის ასაკში დატოვა და ბარსელონას შეუერთდა.

El Nacional იტყობინება, რომ მესი ხსენებულ გუნდში გადასვლას 2025 წელს აპირებს. ცნობისთვის, 36 წლის არგენტინელ სუპერვარსკვლავს ამერიკულ გუნდთან არსებული კონტრაქტი სწორედ 2025 წლის 31 დეკემბერს ეწურება. ამის შემდეგ კი ის თავისუფალი აგენტის სტატუსს მიიღებს.

აქვე მოგახსენებთ, რომ მესიმ ინტერ მაიამის რიგებში ყველა ტურნირზე ერთად, 12 მატჩი გამართა. თავი კი 11 გატანილი გოლითა და ხუთი საგოლე გადაცემის შესრულებით გამოიჩინა. ის ბექჰემის გუნდს პსჟ-ს დატოვების შემდეგ უფასოდ შეუერთდა. მესი ნიუელს ოლდ ბოისში დაბრუნების შესახებ წარსულშიც საუბრობდა და ამბობდა, რომ თუ ოდესმე ამის შესაძლებლობა მიეცემოდა, ამაზე უარს არ იტყოდა.

ინტერ მაიამის შემდეგ, მესი არგენტინულ კლუბში ითამაშებს

ლიონელ მესისთვის ინტერ მაიამი უკანასკნელი გუნდი არ იქნება

უახლესი ამბები