ბარსელონას 16 წლის შემტევი, ლამინე იამალი ევროპის ყველაზე პრესტიჟული საკლუბო ტურნირის - ჩემპიონთა ლიგის ისტორიაში შევიდა. ის ყველაზე ახალგაზრდა ფეხბურთელია მათ შორის, ვისაც ამ ტურნირზე თამაში ძირითად შემადგენლობაში დაუწყია. იამალი მხოლოდ 16 წლისა და 83 დღის გახლავთ.

ამ წუთებში ბარსელონა სტუმრად პორტოს უპირისპირდება, იამალი კი "ბლაუგრანას" სასტარტოშია. აქამდე ეს რეკორდი სელესტინ ბაბაიაროს ეკუთვნოდა, რომელმაც ჩემპიონთა ლიგის შეხვედრა, ძირითად თერთეტეულში 16 წლისა და 86 დღის ასაკში დაიწყო.

აქვე მოგახსენებთ, რომ რამდენიმე დღის წინ, ბარსელონამ იამალს კონტრაქტი გაუხანგრძლივა. ახალი ხელშეკრულების მიხედვით, 16 წლის ფეხბურთელი "ლურჯ-ბროწეულისფერთა" ღირსებას 2026 წლის ზაფხულამდე დაიცავს. აღსანიშნავია, რომ არასწრულწლოვანი ფეხბურთელისთვის ბარსელონას უფრო ხანგრძლივი კონტრაქტის გაფორმება არ შეეძლო, თუმცა ადრე გავრცელებული ინფორმაციით, ორი წლის შემდეგ, კლუბი უფრო გრძელვადიან, 5-წლიან ხელშეკრულებას გაუფორმებს.

ლამინე იამალი ჩემპიონთა ლიგის ისტორიაში შევიდა

ბარსელონას ახალგაზრდა შემტევი კვლავ ყურადღების ცენტრშია

უახლესი ამბები