ესპანეთის ლა ლიგის 2023/24 წლების სეზონის მეცხრე ტურის ეგიდით, კატალონიის ბარსელონა "ნოევო ლოს კარმენესზე" გრანადას ესტუმრა და ფრედ, 2-2 ითამაშა.

30-ე წუთისთვის მასპინძლები ბრაიან სარაგოსას დუბლით 2-0 იგებდნენ. პირველი ტაიმის კომპენსირებულ დროში სხვაობა ლამინე იამალმა შეამცირა, რომელმაც "ლურჯ-ბროწეულისფერთა" რიგებში სადებიუტო გოლი გაიტანა. ხოლო, 85-ე წუთზე ბარსელონელებს ქულა სერხი რობერტომ მოუპოვა.

სამწუხაროდ, გრანადასთან დაპირისპირებაში ბარსელონამ ჟიულ კუნდე დაკარგა, რომელმაც ტრავმა პირველი ტაიმის მიწურულს მიიღო და მოედნის ნაადრევად დატოვება მოუხდა.

კატალონიური კლუბის ოფიციალური განცხადებით, ფრანგ მცველს მარჯვენა მუხლის კოლატერალური იოგის დაჭიმულობა დაუდგინა და მისი დაბრუნება გამოჯანმრთელების პროცესზე იქნება დამოკიდებული.

სხვადასხვა წყაროებზე დაყრდნობით, კუნდეს დაახლოებით ხუთი კვირა გაუცდება, რაც იმას ნიშნავს, რომ ის მიმდინარე თვეში ვერც ეროვნულ გუნდს დაეხმარება და ვერც "ელ კლასიკოში" მოახერხებს თამაშს, რომელიც 28 ოქტომბერს არის ჩანიშნული.

[html]

MEDICAL NEWS | Tests carried out have shown that first team player Jules Kounde has a left MCL sprain. He is out and his recovery will determine his availability. pic.twitter.com/1MDDeEhu8T
— FC Barcelona (@FCBarcelona) October 9, 2023

[/html]

კუნდე ტრავმირებულია - ბარსელონა ოფიციალურ განცხადებას ავრცელებს

კუნდემ გრანადასთან მატჩში მუხლის ტრავმა მიიღო

ფრანგს დაახლოებით ხუთი კვირა გაუცდება

უახლესი ამბები