21 ნოემბერს, 2024 წლის ევროპის ჩემპიონატის საკვალიფიკაციო ეტაპის ბოლო მატჩები გაიმართა და საბოლოოდ დაკომპლექტდა იმ გუნდების ვინაობა, რომლებმაც კონტინენტის პირველობაზე თამაშის უფლება მოიპოვეს.

გამომდინარე იქიდან, რომ მომავალი წლის ზაფხულში ტურნირს გერმანია უმასპინძლებს, "ბუნდესნაკრებს" ევრო 2024-ზე თამაშის უფლება ავტომაურად ერგო. ხოლო, შესარჩევი ციკლის მეშვეობით, ტურნირის საგზური 20-მა ნაკრებმა მოიპოვა.

ამგვარად, გერმანიის გარდა უკვე ვიცით ის 20 ეროვნული გუნდი, რომლებიც ევროპის ჩემპიონატზე ითამაშებენ. ესენია: ესპანეთი, შოტლანდია, საფრანგეთი, ნიდერლანდები, ინგლისი, იტალია, თურქეთი, ხორვატია, ალბანეთი, ჩეხეთის რესპუბლიკა, ბელგია, ავსტრია, უნგრეთი, სერბეთი, დანია, სლოვენია, რუმინეთი, შვეიცარია, პორტუგალია და სლოვაკეთი.

სულ, 2024 წლის ევროპის ჩემპიონატზე მონაწილეობას 24 ნაკრები მიიღებს. შესაბამისად, გასათამაშებელია კიდევ სამი საგზური, რომლებსაც გუნდები ერთა ლიგის პლეი ოფის მეშვეობით მიიღებენ. A, B და C ლიგის ოლეი ოფის ნახევარფინალური და ფინალური მატჩები მომავალი წლის 21 და 26 მარტს გაიმართება და ევრო 2024-ის მონაწილეები საბოლოოდ დაკომპლექტდებიან. ვაკანტური სამი ადგილისთვის საქართველო, საბერძნეთი, უკრაინა, უელსი, პოლონეთი, ესტონეთი, ფინეთი, ყაზახეთი, ისრაელი, ლუქსემბურგი, ისლანდია და ბოსნია და ჰერცეგოვინა იბრძოლებენ.

შეგახსენებთ, რომ საქართველოს ნაკრები 21 მარტს ნახევარფინალში ლუქსემბურგს დაუპირისპირდება და გამარჯვების შემთხვევაში საბერძნეთსა და ყაზახეთს შორის უძლიერესს შეხვდება. ფინალური მატჩის მასპინძელი ქვეყანა კი წილისყრის შედეგად 23 ნოემბერს გაირკვევა.

აქვე დავძენთ, რომ 2024 წლის ევროპის ჩემპიონატს გერმანია 14 ივნისიდან 14 ივლისის ჩათვლით ათ ქალაქში უმასპინძლებს. ჯგუფური ეტაპის წილისყრის პროცედურა კი ჰამბურგში 2 დეკემბერს გაიმართება.

[html]

Pots confirmed for the #EURO2024 draw ✅ pic.twitter.com/cFfM6bXZ1t
— UEFA EURO 2024 (@EURO2024) November 21, 2023

[/html]

ევრო 2024 | 21 მონაწილე ცნობილია

ევრო 2024-ს გერმანია მასპინძლობს

საკვალიფიკაციო ეტაპი დასრულებულია

სამი საგზური ერთა ლიგის პლეი ოფის მეშვეობით გათამაშდება

უახლესი ამბები